କଣ୍ଟାବାଞ୍ଜି: କିଛି ମାସର ନିରବତା ପରେ ପୁଣି ତୁରେକେଲା ଅଞ୍ଚଳରେ ମାଓ ଗତିବିଧି ଦେଖିବାକୁ ମିଳିଛି। କିଛି ଦିନ ହେବ ତୁରେକେଲା ଲାଲଗଡ଼ରେ ମାତିଛନ୍ତି ମାଓବାଦୀ। ବଲାଙ୍ଗୀର ଜିଲ୍ଲା ତୁରେକେଲା ଥାନା ମହଖଣ୍ଡ ନିକଟସ୍ଥ କଦଳୀପାଳି ଗାଁ ଜଙ୍ଗଲରେ ପୁଲିସ ଓ ମାଓବାଦୀ ମଧ୍ୟରେ ଗୁଳି ବିନିମୟ ହୋଇଛି। ଗତକାଲି ରାତିରୁ ଚାଲିଛି କମ୍ବିଂ ଅପରେସନ। ଗାଁରେ ମାଓ ଗତିବିଧି ଥିବା ପୁଲିସ ସନ୍ଦେହ କରି କମ୍ବିଂ ଅପରେସନକୁ ଜୋରଦାର କରିଥିଲା। ବଲାଙ୍ଗୀର ଏସପି ନିତିନ କୁସଲକର ଏହି ଅପରେସନର ନେତୃତ୍ୱ ନେଇଥିଲେ। ଅନ୍ୟ ପକ୍ଷରେ ବଲାଙ୍ଗୀର ଏସପି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯେ ପ୍ରାୟ ୧୦ ରୁ ଅଧିକ ମାଓବାଦୀ ଥିବା ବେଳେ ଗୁଳିବିନିମୟ ସମୟରେ ସେମାନେ ଛତ୍ରଭଙ୍ଗ ଦେଇଥିଲେ। ଆଗକୁ ମଧ୍ୟ କମ୍ବିଂ ଜାରି ରହିବ ବୋଲି ସୂଚନା ଦେଇଛନ୍ତି ଏସପି।
Popular Categories
Previous article
Next article