ସ୍କୁଟି ବ୍ୟାଟେରୀ ଫାଟି ଜଳି ଗଲା ଘର

ପାଟଣା :  ଚାର୍ଜ ସମୟରେ ସ୍କୁଟି ବ୍ୟାଟେରୀ ଫାଟି ଜଳି ଗଲା ଘର । ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ଘଟଗାଁ ଥାନା ବାଙ୍କପାଟୁଳି ଗ୍ରାମରେ । ସୂଚନା ଅନୁଯାୟୀ ଗତକାଲି ପୂର୍ବାହ୍ନରେ ବାଙ୍କପାଟୁଳି ଗ୍ରାମର ରାଜା ପୃଷ୍ଟି ନିଜର ବ୍ୟାଟେରୀ ଚାଳିତ ସ୍କୁଟି ଟିକୁ ଘରେ ଚାର୍ଜରେ ଲଗାଇ ବାହାରକୁ ଯାଇଥିବା ସମୟରେ ସଟ୍ ସର୍କିଟ ଘଟି ହଠାତ୍ ବ୍ୟାଟେରୀଟି ଫାଟି ଯାଇ ଖୁବ୍ ଜୋରରେ ଶବ୍ଦ ହୋଇଥିଲା ।

ଶବ୍ଦ ଶୁଣି ଘର ଲୋକେ ଦେଖିବା ବେଳକୁ ସ୍କୁଟି ରୁ ନିଆଁ ଲାଗି ଘର ସାରା ବ୍ୟାପି ଯାଇଥିଲା । ଘର ଲୋକେ ନିଆଁକୁ ଆୟତ କରିବାରେ ବିଫଳ ହୋଇ କେନ୍ଦୁଝର ଅଗ୍ନିଶମ ବାହିନୀକୁ ଖବର ଦେଇଥିଲେ । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ କରିଥିଲେ ମଧ୍ୟ ଅଗ୍ନିକାଣ୍ଡରେ ଘରେ ଥିବା ଲକ୍ଷାଧିକ ଟଙ୍କାର ଆସବାବପତ୍ର ପୋଡ଼ି ନଷ୍ଟ ହୋଇଯାଇଛି ।