ଚୌଦ୍ୱାର: ଚୌଦ୍ୱାର ଥାନା ଟିପିଏମ୍ ଫାଣ୍ଡି ଅନ୍ତର୍ଗତ ଚିତ୍ରେଶ୍ୱର ଗ୍ରାମରେ ଗଣ୍ଡଗୋଳ ଘଟି ଦୁଇଜଣ ଯୁବକଙ୍କ ଆକ୍ରମଣରେ ସେହି ଗ୍ରାମର କୈଳାସ ଚନ୍ଦ୍ର ବେହେରା ନାମକ ଜଣେ ଯୁବକ ଆହତ ହୋଇଥିବା ଚୌଦ୍ୱାର ଥାନାରେ ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ ଗ୍ରମର ଗନ୍ଧର୍ବନାଥ ମନ୍ଦିରରେ ରାମଲୀଳା କମିଟି ବୈଠକ ଚାଲିଥିବାବେଳେ ଚିତ୍ରେଶ୍ୱର ଗ୍ରାମର ଦୁଇଜଣ ଯୁବକ ରାଜନୈତିକ ଆକ୍ରୋଶ ରଖି କୈଳାସଙ୍କ ଭାଇ ଓ ପୁତୁରାଙ୍କୁ ଗାଳି ଗୁଲଜ କରିଥିଲେ ।ଫଳରେ ଉଭୟ ପକ୍ଷଙ୍କ ମଧ୍ୟରେ ଝଗଡ଼ା ହେବା ସହିତ ଉକ୍ତ ଦୁଇଜଣ ଯୁବକ ଏକ ଧାରୁଆ ଅସ୍ତ୍ରରେ କୈଳାସଙ୍କ ଭାଇ ଓ ପୁତୁରାଙ୍କୁ ଆକ୍ରମଣ କରିବାକୁ ଉଦ୍ୟମ କରିଥିଲେ । ଏହି ସମୟରେ ସେଠାରେ ଉପସ୍ଥିତ ଥିବା କୈଳାସ ସେମାନଙ୍କୁ ଅଟକାଇବାକୁ ଯାଇ ଯୁବକଦ୍ୱୟଙ୍କ ଆକ୍ରମଣର ଶିକାର ହୋଇଥିଲେ । ଧାରୁଆ ଅସ୍ତ୍ର ଆକ୍ରମଣରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ସେ ଚୌଦ୍ୱାର ଥାନାରେ ଏସମ୍ପର୍କରେ ଅଭିଯୋଗ କରିବା ପରେ ପୁଲିସ ଚିକିତ୍ସା ପାଇଁ ତାଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇବା ସହିତ ଘଟଣାର ତଦନ୍ତ ଆରମ୍ଭ କରିଛି ।
Comments are closed.