ଶ୍ରୀନଗର : ‘ସର୍ଜିକାଲ ଷ୍ଟାଇକ୍ ହିରୋ’ ଭାବେ ପରିଚିତ ଲାନ୍ସ ନାଏକ ସନ୍ଦୀପ ସିଂହ ଆତଙ୍କବାଦୀଙ୍କ ସହିତ ଗୁଳିବିନିମୟରେ ପ୍ରାଣ ହରାଇଛନ୍ତି। ସୋମବାର କୁପୱାଡ଼ା ଜିଲାର ଟଙ୍ଗଧର ସେକ୍ଟରରେ ସୁରକ୍ଷାକର୍ମୀଙ୍କ ଚଢ଼ଉ ସମୟରେ ଆତଙ୍କବାଦୀଙ୍କ ସହିତ ଗୁଳିବିନିମୟ ହୋଇଥିଲା। ଏଥିରେ ୩ ଆତଙ୍କବାଦୀ ନିପାତ ହୋଇଥିଲାବେଳେ ଜଣେ ଯବାନ ସହିଦ ହୋଇଥିଲେ। ଏହି ଯବାନ ହେଉଛନ୍ତି ପାକିସ୍ତାନ ଉପରେ ୨୦୧୬ରେ ହୋଇଥିବା ସର୍ଜିକାଲ ଷ୍ଟ୍ରାଇକ୍ରେ ସାମିଲ ଆଗୁଆ ବାହିନୀ ସହସ୍ୟ ସନ୍ଦୀପ। ସୋମବାର ସେ ୪-ପାରା କମାଣ୍ଡୋ ବାହିନୀର ନେତୃତ୍ୱ ନେଇ ଟଙ୍କଧର ସେକ୍ଟରରେ ଚଢ଼ଉ ଜାରି ରଖିଥିଲାବେଳେ ଆତଙ୍କବାଦୀଙ୍କ ସହ ମୁହାଁମୁହିଁ ହୋଇଥିଲେ। ସନ୍ଦୀପଙ୍କ ବାହିନୀ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମ ପଣ୍ଡ କରିଥିଲେ। ତାଙ୍କ ମୁଣ୍ଡ ଓ ଶରୀରରେ ଏକାଧିକ ଗୁଳି ବାଜିବା ସତ୍ତ୍ବେ ସେ ଅପୂର୍ବ ବୀରତ୍ୱର ସହିତ ଆକ୍ରମଣ ଅବ୍ୟାହତ ରଖିଥିଲେ ଓ ୩ ଆତଙ୍କବାଦୀଙ୍କୁ ହତ୍ୟା କରିଥିଲେ। ସନ୍ଦୀପଙ୍କ ଘର ପଞ୍ଜାବର ଗୁରୁଦାସପୁରଠାରେ। ତାଙ୍କର ପତ୍ନୀ ଓ ୫ବର୍ଷର ଛୋଟ ପୁଅ ଅଛନ୍ତି।
Popular Categories
Previous article
Next article