ମୁମ୍ବଇ: ‘ଦି କାଶ୍ମୀର ଫାଇଲ୍ସ’ ଯେଉଁଭଳି ଭାବେ ବକ୍ସ ଅଫିସରେ ସୁନାମୀ ଆଣିଛି, ଏହାଦ୍ବାରା ଅନ୍ୟ ବଡ଼ ଚଳଚ୍ଚିତ୍ରଗୁଡ଼ିକ ପ୍ରଭାବିତ ହେଉଥିବା ପରିଲକ୍ଷିତ ହୋଇଛି। ‘ଦି କାଶ୍ମୀର ଫାଇଲ୍ସ’ ପ୍ରେକ୍ଷାଳୟରେ ହଇଚଇ ସୃଷ୍ଟି କରୁଥିବା ବେଳେ ଇତି ମଧ୍ୟରେ ମୁକ୍ତିଲାଭ କରିଛି ଅକ୍ଷୟ କୁମାରଙ୍କ ଫିଲ୍ମ ‘ବଚ୍ଚନ ପାଣ୍ଡେ’। ଏହାର ଓପନିଂ ବହୁତ ଭଲ ଥିଲା ସତ, କିନ୍ତୁ ପ୍ରଥମ ସୋମବାର ବେଳକୁ ‘ବଚ୍ଚନ ପାଣ୍ଡେ’ର ଆୟ ହ୍ରାସ ପାଇଛି।
ବକ୍ସ ଅଫିସ ଇଣ୍ଡିଆ ରିପୋର୍ଟ ମୁତାବକ, ପ୍ରଥମ ସୋମବାର ଅକ୍ଷୟଙ୍କ ଫିଲ୍ମର ଆୟ ୬୫-୭୦ ପ୍ରତିଶତ ହ୍ରାସ ପାଇଛି। ଚତୁର୍ଥ ଦିନରେ ଫିଲ୍ମ କେବଳ ୪ କୋଟି ଟଙ୍କା ଆୟ କରିଛି। ବକ୍ସ ଅଫିସରେ ‘ବଚ୍ଚନ ପାଣ୍ଡେ’ ଓ ‘ଦି କାଶ୍ମୀର ଫାଇଲ୍ସ’ ମଧ୍ୟରେ ଜବରଦସ୍ତ ପ୍ରତିଦ୍ବନ୍ଦିତା ଦେଖିବାକୁ ମିଳିଛି। ‘ବଚ୍ଚନ ପାଣ୍ଡେ’ ୧୩.୨୫ କୋଟି ସହ ଖାତା ଖୋଲିଥିଲା। ଏହାପରେ ଫିଲ୍ମ ଶନିବାର ୧୨ କୋଟି, ରବିବାର ୧୨ କୋଟିର ବ୍ୟବସାୟ କରିଥିଲା। ସପ୍ତାହ ଶେଷ ପର୍ଯ୍ୟନ୍ତ ‘ବଚ୍ଚନ ପାଣ୍ଡେ’ ୩୭.୨୫ କୋଟି ଟଙ୍କା ଆୟ କରିଥିଲା। ସୋମବାରର ଆୟକୁ ମିଶାଇ ‘ବଚ୍ଚନ ପାଣ୍ଡେ’ର ଆୟ ୪୧ କୋଟିରେ ପହଞ୍ଚିଛି। ‘ବଚ୍ଚନ ପାଣ୍ଡେ’ର ଆୟ ଯଦି ଏହିପରି ରହେ, ତେବେ ଆୟ ଭିତ୍ତିରେ ପ୍ରଥମ ସପ୍ତାହ ଅତ୍ୟନ୍ତ କଠିନ ସାବ୍ୟସ୍ତ ହେବ।
Comments are closed.