ଭୁବନେଶ୍ୱର : ଆଜି ରାଜଧାନୀରୁ ଜବତ ହୋଇଛି ୧୨ କୋଟି ଟଙ୍କାର ସୁନା। ମୁମ୍ବଇରୁ କୋଣାର୍କ ଏକ୍ସପ୍ରେସରେ ଆସିଥିବା ୩୨ କେଜି ସୁନା ଜିଆରପି ପୁଲିସ ଜବତ କରିଛି। ଜବତ ସୁନାର ମୂଲ୍ୟ ପ୍ରାୟ ୧୨ କୋଟି ଟଙ୍କା। ସୁନା ଜବତ କରିବା ସହ ସମ୍ପୃକ୍ତ ଘଟଣାରେ ପୁଲିସ ୪ ଜଣଙ୍କୁ ଅଟକ ରଖି ପଚରାଉଚରା କରୁଛି । ଏତେ ପରିମାଣରେ ସୁନା କାହିଁକି ଆଣୁଥିଲେ ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ। ରାଜଧାନୀ ଭୁବନେଶ୍ୱରରୁ କମିଶନରେଟ ଓ ଜିଆରପି ପୁଲିସ ବିପୁଳ ପରିମାଣର ସୁନା ଜବତ କରିଛି ।
ଆଜି ସକାଳେ ମୁମ୍ବଇରୁ ଆସୁଥିବା କୋଣାର୍କ ଏକ୍ସପ୍ରେସରେ ବିପୁଳ ପରିମାଣର ସୁନା ଆସୁଥିବା ପୁଲିସ ସୂଚନା ପାଇଥିଲା । ପରେ ଆରପିଏଫ ଓ ଜିଆରପି ପୁଲିସ ଷ୍ଟେସନରେ ଜଗି ରହିଥିଲା । ଟ୍ରେନଟି ପ୍ଲାଟଫର୍ମରେ ଲାଗିବା ପରେ ପୁଲିସ ଚଢାଉ କରିଥିଲା । ଚଢାଉ ବେଳେ ୩୨ କିଲୋରୁ ଅଧିକ ସୁନା ଜବତ କରିବା ସହ ୪ଜଣଙ୍କୁ ଅଟକ ରଖିଛି । ସେମାନେ ସୁନା କେଉଁଠୁ ଆଣିଲେ ଓ କୁଆଡେ ନେଉଥିଲେ, ସେନେଇ ପୁଲିସ ତଦନ୍ତ କରୁଛି । ଜବତ ସୁନାର ମୂଲ୍ୟ ପାଖାପାଖି ୧୨ କୋଟି ଟଙ୍କା ହେବ ବୋଲି ଜଣାପଡିଛି ।
ଟ୍ରେନରୁ ଜବତ ହେଲା ୧୨ କୋଟି ଟଙ୍କାର ସୁନା
Popular Categories
Previous article
Next article