ଲକ୍ଷ୍ନୌ : ଉତ୍ତରପ୍ରଦେଶର ପଞ୍ଚମ ପର୍ଯ୍ୟାୟ ବିଧାନସଭା ନିର୍ବାଚନ ପାଇଁ ରବିବାର(ଆସନ୍ତାକାଲି) ମତଦାନ ହେବ । ଏହି ପର୍ଯ୍ୟାୟରେ ୧୨ଟି ଜିଲ୍ଲାର ୬୧ଟି ନିର୍ବାଚନ ମଣ୍ଡଳୀରେ ଭୋଟ ଗ୍ରହଣ କରାଯିବ । ମତଦାନ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ବାରବଙ୍କୀ, ରାଏବରେଲୀ, ପ୍ରତାପଗଡ଼, କୁଶାମ୍ବୀ, ପ୍ରୟାଗରାଜ, ଅଯୋଧ୍ୟା, ଶ୍ରାବସ୍ତୀ, ବହରିଚ୍, ଗୋଣ୍ଡା, ସୁଲତାନପୁର, ଆମେଥୀ ଏବଂ ଚିତ୍ରକୁଟ ଆଦି ଜିଲ୍ଲାରେ ମତଦାନ ହେବ।
୬୧ଟି ନିର୍ବାଚନ ମଣ୍ଡଳୀରୁ ୬୯୨ ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି । ସେଥି ମଧ୍ୟରୁ ୧୩ଟି ଆସନ ଅନୁସୂଚିତ ଜାତିର ପ୍ରାର୍ଥୀମାନଙ୍କ ପାଇଁ ସଂରକ୍ଷିତ ରହିଛି । ମତଦାନ ପାଇଁ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଛି।
