ବୌଦ୍ଧ : ଖୋର୍ଦ୍ଧା ବଲାଙ୍ଗୀର ଜାତୀୟ ରାଜପଥର ବୌଦ୍ଧ ବ୍ଲକ ଅନ୍ତର୍ଗତ ତାଳସରଡା ପଞ୍ଚାୟତର ମାନେଶ୍ୱର ଛକଠାରେ ବାଇକକୁ ଏକ ଟ୍ରକ ଧକ୍କା ଦେବା ଫଳରେ ୨ ଜଣଙ୍କ ମୃତ୍ୟୁ ଘଟିଛି ।
ସୂଚନା ମୁତାବକ, ତାଳସରଡା ଗ୍ରାମର କେଶବ ପେରା ଓ ତାଙ୍କ ପତ୍ନୀ ରୁକୁଣି ପେରା ଜଣେ ବନ୍ଧୁ ଘରକୁ ବାଇକ ଯୋଗେ ଯାଉଥିବାବେଳେ ମାନେଶ୍ୱର ଛକଠାରେ ସୁବର୍ଣ୍ଣପୁର ପଟରୁ ଆସୁଥିବା ଏକ ଟ୍ରକ ତାଙ୍କୁ ଧକା ଦେଇଥିଲା । ଏଥିରେ ଉଭୟ ପତି, ପତ୍ନୀ ଘଟଣା ସ୍ଥଳରେ ମୃତ୍ୟୁର ଶିକାର ହୋଇଥିଲେ । ଏହି ଘଟଣାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖାଯିବା ସହିତ କ୍ଷତିପୂରଣ ଦାବିରେ ରାସ୍ତା ଅବରୋଧ କରିଛନ୍ତି । ବାଉଁଶୁଣି ପୁଲିସ ପହଞ୍ଚି ପରିସ୍ଥିତିକୁ ଆୟତ୍ତ କରିବା ସହ ରାଜପଥ ଅଵରୋଧକାରୀଙ୍କ ସହ ଆଲୋଚନା କରୁଥିବା ଜଣାଯାଇଛି ।
