ବୌଦ୍ଧ: ପଞ୍ଚାୟତ ନିର୍ବାଚନରେ ଏବେ ଗ୍ରାମାଞ୍ଚଳରେ ସବୁ ନେତାଙ୍କ ଭିଡ ଜମୁଛି। ସରପଞ୍ଚ ଓ ସମିତିସଭ୍ୟ ପ୍ରାର୍ଥୀମାନେ ଘର ଘର ବୁଲି ପ୍ରତି ପରିବାରକୁ ଭେଟି ମୁଣ୍ଡପିଛା ଭୋଟ ନେଇ ମୂଲଚାଲ ଆରମ୍ଭ କରୁଥିବା ଦେଖାଯାଇଛି। ଜିଲାପରିଷଦ ପ୍ରାର୍ଥୀମାନେ ପ୍ରଚାର କାର୍ଯ୍ୟକୁ ଜୋରଦାର କରିଥିବାବେଳେ ସାଂସଦ ପ୍ରାର୍ଥୀମାନେ ମଧ୍ୟ ପ୍ରଚାର ମଇଦାନକୁ ଓହ୍ଲାଇଲେଣି। ପ୍ରଥମ ପର୍ଯ୍ୟାୟ ନିର୍ବାଚନକୁ ଆଉମାତ୍ର ଦୁଇଦିନ ବାକି ରହିଛି। କଣ୍ଟାମାଳ ନିର୍ବାଚନ ମଣ୍ଡଳୀର ତିନୋଟି ଜୋନରେ ହେବାକୁ ଥିବା ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରାର୍ଥୀମାନେ ଅଧିକରୁ ଅଧିକ ଭୋଟରଙ୍କୁ ଭେଟି ଶେଷ ନିବେଦନ କରୁଥିବା ଦେଖିବାକୁ ମିଳୁଅଛି। ଏଥର ନିର୍ବାଚନରେ ହିଂସାତ୍ମକ ଘଟଣା ମଧ୍ୟ ଅଧିକ ହେଉଥିବା ଜଣାଯାଇଛି। ତେଣୁ ପୁଲିସ ଓ ଅବକାରୀ ବିଭାଗ ସତର୍କ ନରହିଲେ ଜିଲାରେ ପଞ୍ଚାୟତ ନିର୍ବାଚନ ଶାନ୍ତି ଶୃଙ୍ଖଳାରେ ସମାପନ ହେବା କଷ୍ଟକର ହୋଇପଡିବ ବୋଲି ସାଧାରଣରେ ମତପ୍ରକାଶ ପାଉଅଛି।
Comments are closed.