ମାର୍ଚ୍ଚରେ ପ୍ରେକ୍ଷାଳୟକୁ ଆସିବ ‘ଝୁଣ୍ଡ୍‌’: ବିଗ୍‌ ବି ଶେୟାର କଲେ ପୋଷ୍ଟର

ମୁମ୍ବଇ: ଅମିତାଭ ବଚ୍ଚନ ଅଭିନୀତ ବହୁପ୍ରତୀକ୍ଷିତ ଚଳଚ୍ଚିତ୍ର ‘ଝୁଣ୍ଡ୍‌’ର ମୁକ୍ତିଲାଭ ତାରିଖ ଘୋଷଣା ହୋଇଛି। ମାର୍ଚ୍ଚ ୪ ତାରିଖରେ ପ୍ରେକ୍ଷାଳୟକୁ ଆସିବ ‘ଝୁଣ୍ଡ୍‌’। କରୋନା ଯୋଗୁଁ ନିର୍ମାତାଙ୍କୁ ଅନେକ ଥର ରିଲିଜ୍‌ ତାରିଖ ଘୁଞ୍ଚାଇବାକୁ ପଡ଼ିଥିଲା। ମାତ୍ର ଏବେ ଅପେକ୍ଷାର ଅନ୍ତ ଘଟିଛି।

ଅମିତାଭ ସାମାଜିକ ଗଣମାଧ୍ୟମରେ ଫିଲ୍ମର ଏକ ନୂଆ ପୋଷ୍ଟର ଶେୟାର କରିଛନ୍ତି। ଏଥିସହ ସେ ଲେଖିଛନ୍ତି, ‘‘ଏହି ଦଳ ସହିତ ମୁକାବିଲା କରିବାକୁ ପ୍ରସ୍ତୁତ ରୁହନ୍ତୁ, ଆମ ଟିମ୍‌ ଆସୁଛି… ୪ ମାର୍ଚ୍ଚରେ ଆପଣଙ୍କ ନିକଟସ୍ଥ ପ୍ରେକ୍ଷାଳୟରେ ମୁକ୍ତିଲାଭ କରୁଛି ‘ଝୁଣ୍ଡ’।

T 4178 – Iss toli se muqaabla karne ke liye raho taiyaar! Humari team aa rahi hai ⚽🥅 #Jhund releasing on 4th Mar 2022 in cinemas near you.@Nagrajmanjule #BhushanKumar #KrishanKumar #RaajHiremath #SavitaRajHiremath @AjayAtulOnline @TSeries @tandavfilms @aatpaat @ZeeStudios_ pic.twitter.com/EtNUZJFA1c

— Amitabh Bachchan (@SrBachchan) February 2, 2022

ଏହା ନାଗରାଜ ପୋପଟରାଓ ମଞ୍ଜୁଲେଙ୍କ ନିର୍ଦେଶନାରେ ପ୍ରଥମ ହିନ୍ଦୀ ଚଳଚ୍ଚିତ୍ର। ମରାଠୀ ବ୍ଲକବଷ୍ଟର ଫିଲ୍ମ ‘‘ସୈରାଟ’’ ଓ ‘‘ଫେଣ୍ଡ୍ରି’’ ପାଇଁ ସେ ଖୁବ୍‌ ଜଣାଶୁଣା। ‘ଝୁଣ୍ଡ୍‌’ର କାହାଣୀ ସ୍ଲମ ସକର୍‌ ଫାଉଣ୍ଡେସନର ପ୍ରତିଷ୍ଠାତା ତଥା ପ୍ରଶିକ୍ଷକ ବିଜୟ ବରସେଙ୍କ ଜୀବନ କାହାଣୀ ଉପରେ ଆଧାରିତ।