ଅମୃତସର: ଚର୍ଚ୍ଚାରେ ପଞ୍ଜାବ କଂଗ୍ରେସର ମୁଖ୍ୟ ନବଜୋତ ସିଂହ ସିଦ୍ଧୁ । ସିଦ୍ଧୁ ବିଧାନସଭା ନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲ କରିଛନ୍ତି । ଏହି ଅବସରରେ ଦୃଢ଼ୋକ୍ତି ମଧ୍ୟ ପ୍ରକାଶ କରିଛନ୍ତି । ସିଦ୍ଧୁ କହିଛନ୍ତି କି, ଆଜି ନାମାଙ୍କନ ଦାଖଲ କଲି । ମୁଁ କେବେ ହାରିବି ନାହିଁ । ମୋର ୧୭ ବର୍ଷର ରାଜନୈତିକ କ୍ୟାରିୟରରେ ମୁଁ କିଛି ଭୁଲ କରିନାହିଁ । ଯାହା ଠିକ୍ ତାହା ମୁଁ କରିଛି । ସବୁବେଳେ ସତ୍ୟର ସାଥ୍ ଦେଇଛି । ସବୁ ସମୟରେ ଲୋକଙ୍କ ସାଥିରେ ରହିଛି । ତେଣୁ ମୁଁ ହାରିବି ନାହିଁ ବୋଲି କହିଛନ୍ତି ସିଦ୍ଧୁ । ଅନ୍ୟପଟେ ସିଦ୍ଧୁ ଅକାଳୀ ଦଳକୁ ଟାର୍ଗେଟ୍ ମଧ୍ୟ କରିଛନ୍ତି । ସେ କହିଛନ୍ତି, ଅକାଳୀ ଦଳର ଲୋକେ ଡ୍ରଗ୍ସ ବିକ୍ରି କରୁଛନ୍ତି । ଏଭଳି ସମୟରେ କିଏ ତାଙ୍କୁ ଭୋଟ୍ ଦେବ ବୋଲି ସିଦ୍ଧୁ ପ୍ରଶ୍ନ କରିଛନ୍ତି । ଆଜି କରୋନା କଟକଣା ମଧ୍ୟରେ କଂଗ୍ରେସର ମୁଖ୍ୟ ନବଜୋତ ସିଂହ ସିଦ୍ଧୁ ନାମାଙ୍କନ ଦାଖଲ କରିଥିଲେ । ଦାଖଲ କରିବା ସମୟରେ ଏପରି ବୟାନ ଦେଇଥିଲେ ।
Popular Categories
Previous article
Next article