କଲ୍ୟାଣସିଂହପୁର: ତ୍ରିସ୍ତରୀୟପଞ୍ଚାୟତ ନିର୍ବାଚନରେ କଲ୍ୟାଣସିଂହପୁର ବ୍ଲକରେ ସରପଞ୍ଚ, ସମିତି ସଭ୍ୟ ଓ ୱାର୍ଡ ସଭ୍ୟ ମୋଟ ୩୯୧ ସଦସ୍ୟ ମନୋନାୟନ ପତ୍ର ଦାଖଲ କରିଥିଲେ। ସେଥିରୁ ସରପଞ୍ଚ ୬୯,ସମିତି ସଭ୍ୟ ୪୪ ଓ ୱାର୍ଡ ସଭ୍ୟ ୨୭୮ ପ୍ରାର୍ଥୀ ରହିଥିବା ସୂଚନା ଦେଇଥିଲେ। ବର୍ତ୍ତମାନ ୩୮୦ ସଦସ୍ୟ ମଧ୍ୟରୁ ସରପଞ୍ଚ ୬୦, ସମିତି ସଭ୍ୟ ୪୫ ଓ ୱାର୍ଡ ସଭ୍ୟ ୨୭୫ ନାମାଙ୍କନ ପତ୍ର ଦାଖଲ କରିଥିବା ବେଳେ ମଙ୍ଗଳବାର ଦିନ ସେଥିମଧ୍ୟରୁ ୧୫ ସରପଞ୍ଚ, ୧୧ ସମିତି ସଭ୍ୟ ଓ ୨୧ ୱାର୍ଡ ସଦସ୍ୟ ପ୍ରାର୍ଥୀପତ୍ର ପ୍ରତ୍ୟାହାର କରିଛନ୍ତି। ଏବେ କଲ୍ୟାଣସିଂହପୁର ବ୍ଲକରେ ୪୫ ସରପଞ୍ଚ, ୩୪ସମିତି ସଭ୍ୟ ଓ ୨୫୪ ୱାର୍ଡ ସଦସ୍ୟ ମଧ୍ୟରେ ପ୍ରତିଦ୍ବନ୍ଦିତା ହେବ ବୋଲି ନିର୍ବାଚନ ଅଧିକାରୀ ସୁଧାକର ରଇତ, ପଞ୍ଚାୟତ ଅଧିକାରୀ ମାନସ ରଞ୍ଜନ ପ୍ରଧାନ ଓ ଅତିରିକ୍ତ ଗୋଷ୍ଠି ଉନ୍ନୟନ ଅଧିକାରୀ ବଳରାମ ପାତ୍ରକହିଛନ୍ତି ।
ସେହିପରି ଉକ୍ତ ବ୍ଲକରେ ଜିଲାପରିସଦ ‘କ’ ଓ ‘ଖ’ ଜୋନରେ ୧୩ ଜଣ ପ୍ରାର୍ଥୀ ନାମାଙ୍କନ ପତ୍ର ରାୟଗଡା ଉପଜିଲାପାଳ ଙ୍କ ଠାରେ ଦାଖଲ କରିଥିଲେ। ‘କ’ ଜୋନରେ ୭ଜଣ ମଧ୍ୟରୁ ଜଣେ ସ୍ୱାଧୀନ ପ୍ରାର୍ଥୀ ଭାବେ ସୁନ୍ଦର ରାଓ ବାଗ ନାମାଙ୍କନ ପତ୍ର ପ୍ରତ୍ୟାହାର କରିଥିଲେ । ‘ଖ’ଜୋନ ରେ ୬ଜଣ ପ୍ରାର୍ଥୀ ମଧ୍ୟରୁ ଦୁଇଜଣ ସ୍ୱାଧୀନ ପ୍ରାର୍ଥୀ ଗେମ୍ବାଳି ପ୍ରଭାସିନୀ ଓ ସାତାନା ଶିବନୀ ନାମାଙ୍କନ ପ୍ରତ୍ୟାହାର କରିଥିବା ଉପଜିଲାପାଳ ପ୍ରତାପ ଚନ୍ଦ୍ର ପ୍ରଧାନ ସୂଚନା ଦେଇଛନ୍ତି।
Comments are closed.