ନୂଆଦିଲ୍ଲୀ: ଚଳିତବର୍ଷ ଆରମ୍ଭ ହେବାକୁ ଯାଉଛି ୫ଜି ସେବା । ଏନେଇ ଟେଲିକମ୍ ମନ୍ତ୍ରଣାଳୟ ଘୋଷଣା କରିଛି । ୨୦୨୨ ମଧ୍ୟଭାଗରେ ଭାରତରେ ୫ଜି ଇଣ୍ଟରନେଟ୍ ସେବା ଆରମ୍ଭ ହେବ। ପ୍ରାରମ୍ଭରେ ୧୩ଟି ସହରରେ ଏହି ସେବା ଯୋଗାଇ ଦିଆଯିବ । ଏଥିମଧ୍ୟରେ ଅହମ୍ମଦାବାଦ, ବେଙ୍ଗାଲୁରୁ, ଚଣ୍ଡିଗଡ଼, ଚେନ୍ନାଇ, ଦିଲ୍ଲୀ, ଗାନ୍ଧିନଗର, ଗୁରୁଗ୍ରାମ, ହାଇଦ୍ରାବାଦ, ଜାମନଗର, କୋଲକାତା, ଲଖନୌ, ମୁମ୍ବାଇ ଏବଂ ପୁଣେ ରହିଛି । ତେବେ କେଉଁ ଟେଲିକମ୍ ଅପରେଟର ଦେଶରେ ୫ଜି ସେବା ଆରମ୍ଭ କରିବେ ତାହା ସରକାର ଏପର୍ୟ୍ୟନ୍ତ ପ୍ରକାଶ କରି ନାହାଁନ୍ତି।
ଏଥିରେ ଜିଓ, ଏୟାରଟେଲ ଏବଂ ଭୋଡାଫୋନ୍-ଆଇଡିଆ ନାମକ ଏହି ତିନୋଟି କମ୍ପାନୀ ବର୍ତ୍ତମାନ ନିୟୋଜିତ ଅଛନ୍ତି। ଦେଶରେ ୫ଜି ସେବା ଆରମ୍ଭ ହେବାକୁ ନେଇ ପୂର୍ବରୁ କାମ ଚାଲି ଆସୁଥିଲା । ଏବଂ ୫ଜି ସେବା ବିରୋଧରେ କିଛି ସ୍ୱର ଉତ୍ତୋଳନ ହୋଇଥିବା ନଜର ମଧ୍ୟ ଆସିଥିଲା । ତେବେ ଶେଷରେ ଚଳିତ ବର୍ଷ ୫ଜି ସେବା ଆରମ୍ଭ ହେବାକୁ ଯାଉଥିବା ଜଣାପଡ଼ିଛି ।
