ପାଟଣା : କେନ୍ଦୁଝର ଜିଲା ପାଟଣା ବନାଞ୍ଚଳରେ ୨୬ ଘରିଆ ହାତୀପଲ ରବିବାର ବିଳମ୍ବିତ ରାତ୍ରିରେ ମାଛଗଡ଼ ଓ ତଣ୍ଡୋ ବନ ଇଲାକାରେ ୪ ଜଣଙ୍କ ଘର ଭାଙ୍ଗିବା ସହ ସୋମବାର ରାତି ବନବୀର ଗ୍ରାମର ଧନୁର୍ଜୟ ମହାନ୍ତ ଓ କୁମୁଳା ବାହାଳୀ ଗ୍ରାମର କୁମୁଦ ମହାନ୍ତ ଏବଂ ଆଶାମଣି ମହାନ୍ତଙ୍କ ଘର ଭାଙ୍ଗିବା ସହ ବ୍ୟାପକ ଧାନ ଫସଲର କ୍ଷୟକ୍ଷତି କରି ଆଜି କରଞ୍ଜିଆ ଇଲାକାକୁ ଫେରିଯାଇଥିବା ବନାଞ୍ଚଳ ଅଧିକାରୀ ଟିକେଶ୍ୱର ମହାନ୍ତ ସୂଚନା ଦେଇଛନ୍ତି । ଏଥି ସହ ବିଭିନ୍ନ ଗାଁରେ ବ୍ୟାପକ ଧାନ ଫସଲ ଖାଇବା ସହ ଦଳି ଚକଟି ନଷ୍ଟ କରିଛନ୍ତି । ଘରେ ପଶି ହାତୀପଲ ଧାନ ଚାଉଳ ଖାଇଯିବା ସହ ଅମଳ ପାଇଁ ରଖା ଯାଇଥିବା ଧାନ ବିଡା ଆଦି ନଷ୍ଟ କରି ଦେଇଛନ୍ତି । ଏହି ହାତୀପଲ ଖଡିବେଡା ବୈତରଣୀ ନଦୀର ଟାପୁରେ ଡେରା ପକାଇ ଥିଲେ। ହାତୀପଲଙ୍କ ଆତଙ୍କ ପାଇଁ ଅଞ୍ଚଳବାସୀ ଭୟଭୀତ ଅବସ୍ଥାରେ ରହୁଥିବାରୁ ହାତୀପଲ ଅଞ୍ଚଳରୁ ତୁରନ୍ତ ଘଉଡାଇବାକୁ ଅଞ୍ଚଳବାସୀ ଦାବି କରିଥିଲେ । ଫୁଲପାହାଡି ଗ୍ରାମର ବାଗୁନୁ ମୁଣ୍ଡା, ବଡ଼ ନୂଆଗାଁ ଗ୍ରାମର ଶ୍ରୀକାନ୍ତ ମହାନ୍ତ, କୁଣ୍ଡଳା ଗ୍ରାମର ଛତିଶ ନାଏକ ଓ ବାଳକୃଷ୍ଣ ମୀରଖୋଜିଆଙ୍କ ଘରକୁ ହାତୀ ଭାଙ୍ଗି ଦେଇଥିବା ବେଳେ ବଡ଼ ନୂଆଗାଁର ହଳଧର ମହାନ୍ତଙ୍କ ପାଚେରୀ ଭାଙ୍ଗିଥିବା ମଧ୍ୟ ଜଣାପଡିଛି । ହାତୀ ପଲ କରଞ୍ଜିଆ ଇଲାକାକୁ ଫେରିଯାଇଥିବାରୁ ପାଟଣା ବନାଞ୍ଚଳ ବାସୀ ଆଶ୍ବସ୍ତ ହୋଇଛନ୍ତି।
Popular Categories
Previous article
Next article