ଶ୍ରୀନଗର: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ଦେଇଥିବା ବନ୍ଧୁତ୍ବର ପ୍ରସ୍ତାବକୁ ଭାରତ ସକାରାତ୍ମକ ଭାବେ ଗ୍ରହଣ କରିବା ଉଚିତ ବୋଲି ଜାମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତି କହିଛନ୍ତି। ରବିବାର ମେହବୁବା କହିଛନ୍ତି ଯେ ତାଙ୍କ ପିତା ମୁଫତି ମହମ୍ମଦ ସଇଦ କେବେହେଲେ ମୁଖ୍ୟମନ୍ତ୍ରୀ ହେବାକୁ ଚାହୁଁ ନ ଥିଲେ।
ଜାମ୍ମୁ-କାଶ୍ମୀରବାସୀ କିପରି ଦୁଃଖ, ଯାତନାରୁ ମୁକ୍ତି ପାଇବେ ତାହା ତାଙ୍କ ପିତାଙ୍କ ଉଦ୍ଦେଶ୍ୟ ଥିଲା। ମେହବୁବା କହିଛନ୍ତି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ପାକିସ୍ତାନ ସହିତ ବନ୍ଧୁତ୍ବପୂର୍ଣ୍ଣ ସମ୍ପର୍କ ରଖିବାକୁ ସର୍ବଦା ଚେଷ୍ଟା କରିଆସିଥିଲେ। ବାଜପେୟୀଙ୍କ ସେହି ଆଭିମୁଖ୍ୟକୁ ଏବେ ଦୋହରାଯିବା ଦରକାର।
ପିଡିପି-ବିଜେପି ମେଣ୍ଟ ସରକାର ସମୟରେ କାଶ୍ମୀରବାସୀଙ୍କ ଜୀବନରେ ଉନ୍ନତି ଆଣିବା ଓ ପାକିସ୍ତାନ ସହିତ ସୁସମ୍ପର୍କ ସ୍ଥାପନ ପାଇଁ ସେ ସର୍ବଦା ଚେଷ୍ଟା କରିଆସିଥିଲେ ବୋଲି ମେହବୁବା କହିଛନ୍ତି। ସେ କହିଛନ୍ତି ଯେ ରାଜ୍ୟରେ ପଞ୍ଚାୟତ ନିର୍ବାଚନ କରାଇବା ପାଇଁ ଏବେ ଅନୁକୂଳ ପରିବେଶ ନାହିଁ। ସମସ୍ତଙ୍କୁ ସୁରକ୍ଷା ଯୋଗାଇବା ଅସମ୍ଭବ। ତେଣୁ ରାଜ୍ୟପାଳ ସତ୍ୟପାଲ ମଲ୍ଲିକ ଏ ଦିଗରେ ସମସ୍ତ ଦଳଙ୍କ ସହିତ ଆଲୋଚନା କରି ପଦକ୍ଷେପ ନେବା ଦରକାର।
ପାକ୍ ବନ୍ଧୁତ୍ବ ପ୍ରସ୍ତାବ ପ୍ରତି ଭାରତ ସକାରାତ୍ମକ ହେଉ
Popular Categories
Previous article
Next article