ମୁମ୍ବଇ/ ଜୟପୁର: ଚଳିତ ଆର୍ଥିକ ବର୍ଷର ଦ୍ୱିତୀୟ ତ୍ରୟମାସିକରେ ଏୟୁ ସ୍ମଲ ଫାଇନାନ୍ସ ବ୍ୟାଙ୍କ ଲିମିଟେଡ ଦମଦାର ପ୍ରଦର୍ଶନ କରିଛି । ପୂର୍ବ ଆର୍ଥିକ ବର୍ଷର ଦ୍ୱିତୀୟ ତ୍ରୟମାସିକ ତୁଳନାରେ ଚଳିତ ଆର୍ଥିକ ବର୍ଷର ସେହି ସମୟରେ ନେଟ୍ ଲାଭ ପରିମାଣ ୪୨% ବୃଦ୍ଧିପାଇ (୨୦୨୦-୨୧ ଆର୍ଥିକ ବର୍ଷର ଦ୍ୱିତୀୟ ତ୍ରୟମାସିକରେ ଆଭାସରେ ଅଂଶଧନ ବିକ୍ରିରୁ ପ୍ରାପ୍ତ ଲାଭକୁ ବାଦଦେଇ) ୨୭୯ କୋଟି ଟଙ୍କା ହୋଇଛି । ପୂର୍ବ ଆର୍ଥିକ ବର୍ଷର ଦ୍ୱିତୀୟ ତ୍ରୟମାସିକ ତୁଳନାରେ ଚଳିତ ଆର୍ଥିକ ବର୍ଷର ସେହି ସମୟରେ ପାଣ୍ଠି ବାବଦ ଖର୍ଚ୍ଚ ୮୯ ବେସିସ ପଏଣ୍ଟ ହ୍ରାସପାଇ ୬.୨% ହୋଇଛି । ଏହାର ନେଟ ସୁôଧ ବାବଦ ମାର୍ଜିନ ୨୦୨୧-୨୨ ଆର୍ଥିକ ବର୍ଷର ପ୍ରଥମ ଷଡମାସିକ ପାଇଁ ୬% ହୋଇଛି, ଯାହା ପୂର୍ବବର୍ଷର ସେହି ସମୟ ତୁଳନାରେ ୭୨ ବେସିସ ପଏଣ୍ଟ ଅଧିକ । ସେହିଭଳି ପୂର୍ବ ଆର୍ଥିକ ବର୍ଷର ଦ୍ୱିତୀୟ ତ୍ରୟମାସିକ ତୁଳନାରେ ଚଳିତ ଆର୍ଥିକ ବର୍ଷର ସେହି ସମୟରେ ମୋଟ ଜମା ରାଶି ୪୫% ବୃଦ୍ଧିପାଇ ୩୯,୦୩୪ କୋଟି ଟଙ୍କା ହୋଇଛି, ଯେଉଁଥିରେ ୨୬,୧୨୩ କୋଟି ଟଙ୍କା ମିଆଦୀ ଜମା ରହିଛି । ପରିଚାଳନା ପରିବେଶ ଏବଂ ଅର୍ଥନୈତିକ କାର୍ଯ୍ୟକଳାପରେ ଯଥେଷ୍ଟ ଉନ୍ନତି ପରିଲକ୍ଷିତ ହେଉଥିବାବେଳେ ଋଣ ପ୍ରଦାନ ପୂର୍ବ ଆର୍ଥିକ ବର୍ଷର ଦ୍ୱିତୀୟ ତ୍ରୟମାସିକ ତୁଳନାରେ ଚଳିତ ଆର୍ଥିକ ବର୍ଷର ସେହି ସମୟରେ ୫୭% ବୃଦ୍ଧିପାଇ ୫,୧୩୫ କୋଟି ଟଙ୍କା ହୋଇଛି ।
Popular Categories
Previous article
Next article