ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ଏବଂ ଏନସିଏ ମୁଖ୍ୟ ରାହୁଳ ଦ୍ରାବିଡ ଭାରତୀୟ କ୍ରିକେଟ ଦଳର ମୁଖ୍ୟ କୋଚ ଦାୟିତ୍ୱ ଗ୍ରହଣ କରିବେ । ଆଇସିସି ଟି୨୦ ବିଶ୍ୱ କପ୍ ପରେ ଚଳିତ ବର୍ଷ ସେ ରବି ଶାସ୍ତ୍ରୀଙ୍କ ନିକଟରୁ ଏହି ଦାୟିତ୍ୱ ନେବେ ବୋଲି ଜଣାଯାଇଛି । ଏଥିପାଇଁ ଦ୍ରାବିଡ ନିଜର ସମ୍ମତି ଜଣାଇଛନ୍ତି । ଶୁକ୍ରବାର ରାତିରେ ଆଇପିଏଲର ଚତୁର୍ଦ୍ଦଶ ସଂସ୍କରଣର ଫାଇନାଲ ମ୍ୟାଚ ଅନୁଷ୍ଠିତ ହେଉଥିବାବେଳେ ଏଭଳି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏଥିସହିତ ବିକ୍ରମ ଦଳର ବ୍ୟାଟିଂ କୋଚ ଭାବରେ ରହିବେ । ସଂପ୍ରତି ଅଧିକରୁ ଅଧିକ ଯୁବ ପ୍ରତିଭାବାନ ଖେଳାଳିମାନେ ଭାରତୀୟ କ୍ରିକେଟ ଦଳକୁ ଆସୁଥିବା ସମୟରେ ଦଳ ସେମାନଙ୍କୁ ନେଇ ବ୍ୟାପକ ରୂପାନ୍ତରଣ ପ୍ରକ୍ରିୟା ଆରମ୍ଭ କରିଛି । ସେମାନେ ସମସ୍ତେ ଦ୍ରାବିଡଙ୍କ ସହିତ କାମ କରିସାରିଛନ୍ତି ଏବଂ ଦ୍ରାବିଡଙ୍କୁ ନେଇ ଭାରତୀୟ କ୍ରିକେଟ ଦଳ ବିଶ୍ୱରେ ଏକ ମ୍ୟାଚ ବିଜୟୀ ଦଳ ଭାବରେ ତାହାର ଯାତ୍ରା ଜାରି ରଖିପାରିବ ବୋଲି ଅନେକ କ୍ରୀଡା ବିଶେଷଜ୍ଞ ମତ ପୋଷଣ କରିଛନ୍ତି ।
ଜଣାଯାଇଛି ଯେ ଦଳର କୋଚ ଦାୟିତ୍ୱ ଦେବାକୁ ଦ୍ରାବିଡ ସବୁ ସମୟରେ ଭାରତୀୟ କ୍ରିକେଟ କଂଟ୍ରୋଲ ବୋର୍ଡ (ବିସିସିଆଇ)ର ଇଛା ରହିଆସିଥିଲା । ବିସିସିଆଇ ସଂପାଦକ ଜୟ ଶାହ ଏବଂ ସଭାପତି ସୌରଭ ଗାଙ୍ଗୁଲି ତାଙ୍କୁ ପରିଶେଷରେ ଏହି ଦାୟିତ୍ୱ ଦେବାକୁ ନିଷ୍ପତ୍ତି ନେଇଛନ୍ତି । ଉଭୟ ତାଙ୍କ ସହିତ କଥା ହେବାପରେ ଦ୍ରାବିଡ ରାଜି ହୋଇଥିବା ଜଣାଯାଇଛି । ସଂପ୍ରତି କୋଚ ଥିବା ରବି ଶାସ୍ତ୍ରୀଙ୍କର କାର୍ଯ୍ୟକାଳ ଟି୨୦ ବିଶ୍ୱ କପ କ୍ରିକେଟ ଆରମ୍ଭ ସହିତ ଶେଷ ହେବାକୁ ଯାଉଛି । ରବିବାର ଠାରୁ ଟି୨୦ ବିଶ୍ୱ କପ କ୍ରିକେଟ ଆରମ୍ଭ ହେବାକୁ ଯାଉଛି । ବିସିସିଆଇ ଏହି ଟୁର୍ଣ୍ଣାମେଣ୍ଟ ଓମାନ ଏବଂ ୟୁଏଇରେ ଆୟୋଜନ କରୁଛି । ଏହାର ଉଦଘାଟନି ମ୍ୟାରଚରେ ଭାରତ ତାହାର ପାରମ୍ପରିକ ପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଅକ୍ଟୋବର ୨୪ ତାରିଖରେ ଦୁବାଇରେ ଭେଟିବ । ଏହି ଟୁର୍ଣ୍ଣାମେଣ୍ଟ ପରେ ବିରାଟ କୋହଲି ମଧ୍ୟ ସୀମିତ ଓଭର କ୍ରିକେଟର ଅଧିନାୟକ ପଦ ଛାଡିବେ ବୋଲି ଜଣାଯାଇଛି ।
ଋାହୁଳ ଦ୍ରାବିଡ ହେବେ ଟିମ୍ ଇଣ୍ଡିଆ କୋଚ; ଦୁଇ ବର୍ଷ ଦାୟିତ୍ୱରେ ରହିବେ
Popular Categories
Previous article
Next article