ହରଭଙ୍ଗା: ୧୦ ଦଫା ଦାବୀ ନେଇ ବୌଦ୍ଧଜିଲ୍ଲା କଂଗ୍ରେସ ପକ୍ଷରୁ ୬ଘଣ୍ଟିଆ ବନ୍ଦ ଡାକରା ହରଭଙ୍ଗା ବ୍ଲକରେ ଶାନ୍ତିପୂର୍ଣ୍ଣ ଭାବେ ଶେଷ ହୋଇଛି। ସୋମବାର ସକାଳ ୬ଟାରେ କଂଗ୍ରେସ କର୍ମୀମାନେ ପିକେଟିଂ କରି ବ୍ଲକ ସଦରମହକୁମା ଚାରିଛକ, ପୁରୁଣାକଟକ, ହରଭଙ୍ଗାରେ ଦୋକାନ ବଜାର ସହ ଗାଡି ଚଳାଚଳକୁ ବନ୍ଦ କରିଥିଲେ। ଫଳରେ ଜାତୀୟ ରାଜପଥଉପରେ ଶହ ଶହ ସଂଖ୍ୟାରେ ଗାଡିମଟର ଅଟକି ରହିଥିଲା। ଦୀର୍ଘଦିନର ବ୍ୟବଧାନପରେ କଂଗ୍ରେସ ପକ୍ଷରୁ ଦିଆଯାଇଥିବା ବନ୍ଦ ଡାକରାକୁ ଲୋକଙ୍କ ସ୍ୱତଃପୂର୍ତ ସମର୍ଥନ ମିଳିଥିଲା। ବିଶେଷକରି ଆଜିର ବନ୍ଦଡାକରାରେ କଂଗ୍ରେସ ପକ୍ଷରୁ ରଖାଯାଇଥିବା ଦାବୀଗୁଡିକ ମଧ୍ୟରେ ବୌଦ୍ଧଜିଲ୍ଲାକୁ ସଂପୂର୍ଣ୍ଣ ମରୁଡି ଘୋଷଣା, ବୌଦ୍ଧକୁ ସମ୍ବଲପୁର ଆର.ଡି.ସିରେ ସାମିଲ, ଜିଲ୍ଲାପରିଷଦ ଜୋନ ସଂଖ୍ୟା ୯ରୁ ୧୮କୁ ବୃଦ୍ଧି, ବ୍ଲକ ସଂଖ୍ୟା ୩ରୁ ୬କୁ ବୃଦ୍ଧି, ବୌଦ୍ଧ ଏନଏସିକୁ ମୁନିସିପାଲଟିରେ ସାମିଲ, କଂଟାମାଳ, ମନମୁଣ୍ଡା, ବାଉଁଶୁଣୀ, ପୁରୁଣାକଟକକୁ ଏନଏସି ମାନ୍ୟତା, ୬୯ପଂଚାୟତରୁ ୧୨୧ପଂଚାୟତକୁ ବୃଦ୍ଧି, ଦପଲ୍ଲା, ପଲଶାଗୋରା, ସାହାଜପାଲ, ମର୍ଯ୍ୟାକୁଦ, ଧଳପୁର, ବୀରନରସିଂହପୁର ଏବଂ ମହାଲ୍ଲିକପଡାରେ ଫାଣ୍ଡି ନିର୍ମାଣ ଭଳି ଦାବୀ ରହିଥିଲା। କଂଗ୍ରେସ ପକ୍ଷରୁ କରାଯାଇଥିବା ଦାବୀଗୁଡିକ ଜିଲ୍ଲା ଗଠନର ୨୭ବର୍ଷ ପରେ ଏକ ପୂର୍ଣ୍ଣାଙ୍ଗ ଜିଲ୍ଲା ପାଇଁ ଆବଶ୍ୟକତାଥିବା ଜନସାଧାରଣ ଏବଂ ବୁଦ୍ଧିଜୀବୀ ମହଲ ହୃଦୟଙ୍ଗମ କରିବା ସହ ସମର୍ଥନ ଜଣାଇଥିଲେ।
Comments are closed.