ନବରଙ୍ଗପୁର: ମହିଳା ସ୍ଵଂୟ ସହାୟକ ଗୋଷ୍ଠୀଙ୍କୁ ଆତ୍ମ ନିର୍ଭରଶୀଳ କରିବା ଲକ୍ଷ୍ୟ ନେଇ କେନ୍ଦ୍ରୀୟ ମଧୁର ଜଳ ଜୀବ ପରିଚାଳନା ସଂସ୍ଥାନ (ସିଫା) ଭୁବନେଶ୍ଵର ପକ୍ଷରୁ ନବରଙ୍ଗପୁର ଜିଲ୍ଲାର ୨୧ ଜଣ ମହିଳା ସ୍ଵଂୟ ସହାୟକ ଗୋଷ୍ଠୀର ସଦସ୍ୟା ମାନଙ୍କୁ ସିଫା ପରିସରରେ ମାଛ ଆଚାର ଓ ଚଟନି ପ୍ରସ୍ତୁତ ତାଲିମ ପ୍ରଦାନ କରା ଯାଇଛି । ଏହି କାର୍ଯ୍ୟକ୍ରମ ରେ କୃଷି ବିଜ୍ଞାନ କେନ୍ଦ୍ର ଖୋର୍ଦ୍ଧାର ଡ ହରପ୍ରିୟା ନାୟକ ଓ ସୁକାନ୍ତି ବେହେରା ତାଲିମ୍ ପ୍ରଦାନ କରିଥିଲେ।
ମାଛ ଓ ଚିଙ୍ଗୁଡି ଆଚାର ପ୍ରସ୍ତୁତ ତାଲିମ କାର୍ଯକ୍ରମ ଦ୍ୱାରା ନବରଙ୍ଗପୂର ଜିଲ୍ଲାର ମହିଳା ସ୍ଵଂୟ ସହାୟକ ଗୋଷ୍ଠୀ ଅଧିକ ଲାଭବାନ ହୋଇ ପାରିବେ ବୋଲି ସିଫା ର ନିର୍ଦ୍ଦେଶକ ଡ ସରୋଜ କୁମାର ସ୍ବାଇଁ କହିଥିଲେ। ମାଛ ଆଚାର ପ୍ରସ୍ତୁତ ରେ ୩୫୦ ରୁ ୪୦୦ ଟଙ୍କା ଖର୍ଚ୍ଚ ହେଉଥିବା ବେଳେ ମାଛ ଆଚାର ୭୦୦ ରୁ ୮୦୦ ଟଙ୍କା ବିକ୍ରୀ କରା ଯାଇ ପାରିବ ବୋଲି ବରିଷ୍ଟ ବୈଜ୍ଞାନିକ ଡଃ ନାଗେଶ୍ କୁମାର ବାରିକ ମତବ୍ୟକ୍ତ କରିଛନ୍ତି। ନବରଂଗପୁର ଜିଲ୍ଲାର ମହିଳା ସ୍ଵଂୟ ସହାୟକ ଗୋଷ୍ଠୀଙ୍କୁ ମାଛ ଆଚାର ଓ ଚଟନି ପ୍ରସ୍ତୁତ ତାଲିମ କାର୍ଯକ୍ରମ ଆସନ୍ତା ଦିନରେ ଅନ୍ୟ ଜିଲ୍ଲା ର ମହିଳା ସ୍ଵଂୟ ସହାୟକ ଗୋଷ୍ଠୀଙ୍କୁ ପ୍ରେରଣା ପ୍ରଦାନ କରିବ ବୋଲି କୃଷି ବିଜ୍ଞାନ କେନ୍ଦ୍ର ଖୋର୍ଦ୍ଧାର ମୂଖ୍ୟ ଡ ଶିବ ଶଙ୍କର ଗିରି କହିଥିଲେ।
