କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକର ସରକାରୀ ଉଚ୍ଚ ବିଦ୍ୟାଳୟରେ ଆଜି ଦଶମ ଶ୍ରେଣୀ ଏକ୍ସରେଗୁଲାରରେ ୮ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ଜଣାପଡ଼ିଛି । ଜଗନ୍ନାଥପୁର ସରକାରୀ ଉଚ୍ଚ ବିଦ୍ୟାଳୟରୁ ୫ ଜଣ ଓ ସ୍ଥାନୀୟ ବିଦ୍ୟାଳୟର ୩ ଜଣ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି । କୋଭିଡ଼ ନିୟମ ଅନୁଯାୟୀ ଛାତ୍ରଛାତ୍ରୀମାନଙ୍କୁ ପରୀକ୍ଷା କେନ୍ଦ୍ରକୁ ପ୍ରବେଶ ଦ୍ୱାରରେ ତାପମାତ୍ରା ମାପିବା ସହ ମୁଖରେ ତୁଣ୍ଡି, ସାନିଟାଇଜର ବ୍ୟବହାର କରାଯାଇଥିଲା । ଏହି ପରୀକ୍ଷା କେନ୍ଦ୍ରକୁ ବିଦ୍ୟାଳୟର ପ୍ରଧାନ ଶିକ୍ଷକ ଆଚାରୀ ଶବର ସୁପରିଟେଣ୍ଡ ଭାବେ ରହିଥିବା ବେଳେ ଡେପୁଟି ସୁପରିଟେଣ୍ଡ ଭାବେ ପ୍ରଦୀପ କୁମାର ଦଳେଇ ରହିଥିଲେ । ପର୍ଯ୍ୟବେକ୍ଷକ ଭାବେ ଅତିରିକ୍ତ ବ୍ଲକ ଶିକ୍ଷା ଅଧିକାରୀ ମୋହନ ରାଓ କଣ୍ଡାଗୋରୀ ଥିଲେ । ଉମାଶଙ୍କର ଖରା, ମୋନାଜ କୁମାର ସାହୁକର, ଅଜିତ ଦାସ, ରାମଚନ୍ଦ୍ର ପ୍ରଧାନ, ବାଦଲ ନାଚିକା, ତୃପ୍ତି ବିଡିକା ପ୍ରମୁଖ ଉପସ୍ଥିତ ରହି ପରୀକ୍ଷା କେନ୍ଦ୍ରକୁ ପରିଚାଳନା କରିଥିଲେ । ଏହି ପରୀକ୍ଷା ୩୦ରୁ ଆରମ୍ଭ ହୋଇ ୫ ତାରିଖରେ ଶେଷ ହେବ।
Popular Categories
Previous article
Next article