ଭୁବନେଶ୍ୱର : ଆଜି ଷ୍ଟାଫ ସିଲେକ୍ସନ କମିସନ ସଦସ୍ୟଙ୍କ ପିଏସ୍ ଙ୍କ ଘରେ ଭିଜିଲାନ୍ସ ପକ୍ଷରୁ ଚଢାଉ କରାଯାଇଛି । ପିଏସ୍ ବିରଞ୍ଚି ସାହୁଙ୍କ ଘରେ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ କରାଯାଇଛି । ମୋଟ ୬ଟି ସ୍ଥାନରେ ଚଢାଉ କରାଯାଇଛି । ଏହି ଚଢାଉରେ ଭିଜିଲାନ୍ସର ୪ ଡିଏସପି, ୧୩ ଇନ୍ସପେକ୍ଟର ସାମିଲ ରହିଛନ୍ତି । ୨ଟି ଦୁଇ ମହଲା କୋଠା, ୯ଟି ଜମି ଠାବ କରାଯାଇଥିବା ସହ ସମ୍ପର୍କୀୟଙ୍କ ଘରୁ ନଗଦ ୧୩ ଲକ୍ଷ ଟଙ୍କା ମଧ୍ୟ ଠାବ ହୋଇଛି । ପିଏସଙ୍କ ଘରୁ ମଧ୍ୟ ବିପୁଳ ଟଙ୍କା ଠାବ କରାଯାଇଥିବା ଜଣାପଡିଛି । ୨ ଥର ବିଦେଶ ଗସ୍ତ ଡକୁ୍ୟମେଣ୍ଟ, ଘରୁ ବିଦେଶୀ ନୋଟ ମଧ୍ୟ ଠାବ କରାଯାଇଛି ।
ଚଢାଉ ନେଇ ଭିଜିଲାନ୍ସ ଏସପିଙ୍କ ଠାରୁ ମିଳିଥିବା ସୂଚନା ଅନୁଯାୟୀ, କଟକ, ଭୁବନେଶ୍ୱରରେ ୬ଟି ସ୍ଥାନରେ ଚଢାଉ କରାଯାଉଛି । ବିପୁଳ ପରିମାଣରେ ସୁନା ଏବଂ ଟଙ୍କା ମିଳିବା ସହ ଟଙ୍କା ଗଣା ଜାରି ରହିଛି । ପିଏସଙ୍କ ଶାଳକଙ୍କ ଘରୁ ନଗଦ ୧୩ ଲକ୍ଷ ଟଙ୍କା ଠାବ ହୋଇଥିବା ବେଳେ ଏତେ ଟଙ୍କା କେଉଁଠୁ ଆସିଛି ସେନେଇ ତଦନ୍ତ କରାଯାଉଛି । ଚାକିରି ପାଇଁ କୌଣସି ପ୍ରାର୍ଥୀଙ୍କ ଠାରୁ ଟଙ୍କା ନେଇଛନ୍ତି କି ନାହିଁ ସେନେଇ ତଦନ୍ତ ହେବା ସହ ତଦନ୍ତ ଜାରି ରହିଛି ବୋଲି ଭିଜିଲାନ୍ସ ଏସପି ଆର. ପ୍ରକାଶ କହିଛନ୍ତି ।
ଷ୍ଟାଫ ସିଲେକ୍ସନ କମିସନ ସଦସ୍ୟଙ୍କ ପିଏସ୍ ଙ୍କ ଘରେ ଭିଜିଲାନ୍ସ ଚଢାଉ
Popular Categories
Previous article
Next article