କଣ୍ଟାବାଞ୍ଜି:ତୁରେକେଲା ବ୍ଳକ ଅନ୍ତର୍ଗତ ସମରସିଂ ପ୍ରାଥମିକ ବିଦ୍ୟାଳୟରେ କାର୍ଯ୍ୟରତ ଶିକ୍ଷକ ଘନଶ୍ୟାମ ସମରଥଙ୍କ୪୩ବର୍ଷ ବୟସରେ କରୋନାରେ ମୃତ୍ୟୁ ଘଟିଛି। ଖୁଟୁଲୁମୁଣ୍ଡା ଗ୍ରାମରେ ସେ ନିଜ ବାସଭବନରେ ତାଙ୍କର ପାଞ୍ଚ ଜଣ ଝିଅ, ଗୋଟିଏ ପୁଅ, ସ୍ତ୍ରୀ ସହିତ ରହୁଥିଲେ। ଶିକ୍ଷକ ସମରଥ ରେଳ ଷ୍ଟେସନରେ ୪ତାରିଖରେ କରୋନା ଡ୍ୟୁଟି କରିବା ପରେ କଣ୍ଟାବାଞ୍ଜି ଡାକ୍ତରଖାନାରେ ୭ତାରିଖରେ କୋଭିଦ ପରୀକ୍ଷା କଲାପରେ କରୋନା ପଜିଟିଭ ବୋଲି ଜଣାପଡିଥିଲା।ତାପରେ ଗୁରୁତର ଅବସ୍ଥାରେ ତାଙ୍କ ଚିକିତ୍ସା ପାଇଁ ଆମ୍ବୁଲାନ୍ସ ରେ ବଲାଙ୍ଗୀର ନେବାବେଳେ ବାଟରେ ତାଙ୍କର ମୃତ୍ୟୁ ଘଟିଥିଲା।ପ୍ରକାଶ ଥାଉକି ରେଳ ଷ୍ଟେସନରେ ଶିକ୍ଷକ ମାନଙ୍କୁ କରୋନା ଡ୍ୟୁଟି ସରକାରୀ ସ୍ତରରେ ଦେଉଥିବା ବେଳେ ସେମାନଙ୍କୁ ସେନିଟାଇଜର, ମାସ୍କ, ପିପିଇ କିଟ ଯୋଗାଇ ଦିଆଯାଉନଥିବାର ଶିକ୍ଷକ ସଂଘ ଦାବି କରି ଆସୁଥିଲେ ମଧ୍ୟ ସୁବିଧା ଏଯାବତ ମିଳିନାହିଁ।ଯାହାଫଳରେ ଅନେକ ଶିକ୍ଷକ କରୋନା ପଜିଟିଭ ହୋଇ ସାରିଛନ୍ତି।ଏନେଇ ଆଗରୁ ଖବରକାଗଜରେ ଖବର ପ୍ରକାଶିତ ହୋଇଥିଲେ ସୁଦ୍ଧା ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆ ହୋଇନଥିବାରୁ ଶିକ୍ଷକ ମାନଙ୍କ ମଧ୍ୟରେ ଅସନ୍ତୋଷ ର ବାତାବରଣ ଦେଖାଦେଇଛି।ସ୍ୱର୍ଗତ ସମରଥଙ୍କ ମୃତ୍ୟୁ ପାଇଁ ଅନୁକମ୍ପା ରାଶି ସମେତ ଘରର ଜଣେକୁ ଚାକିରୀ ଦେବା ଓ ଶିକ୍ଷକ ମାନଙ୍କୁ କରୋନା ଯୋଦ୍ଧା ଭାବେ ସରକାର ଘୋଷଣା କରିବାକୁ ଶିକ୍ଷକ ସଂଘ ଦାବି କରିଛନ୍ତି।
Popular Categories
Previous article
Next article