ହାଇଦ୍ରାବାଦ : ସାରା ଦେଶରେ କରୋନା ନିଜର କାୟା ବିସ୍ତାର କରି ଚାଲିଛି। ଏଭଳି ସମୟରେ ଏପରି ବହୁ ହୃଦୟବିଦାରକ ଘଟଣା ସାମ୍ନାକୁ ଆସିଛି। ଯାହା ଖୁବ ଦୁଃଖଦାୟକ। ବର୍ତ୍ତମାନ ଏଭଳି ହିଁ ଏକ ଘଟଣା ସୋସିଆଲ ମିଡିଆରେ ଖୁବ ଭାଇରାଲ ହେଉଛି।
ଭିଡିଓଟିରେ ଦେଖାଯାଉଛି ଜଣେ ଯୁବତୀ ନିଜ କରୋନା ସଂକ୍ରମିତ ବାପାଙ୍କୁ ପାଣି ପିଆଇବାକୁ ଚେଷ୍ଟା କରୁଛି। ମାତ୍ର ଯୁବତୀଙ୍କ ମାଆ ତାଙ୍କୁ ଅଟକାଇ ଦେଉଛନ୍ତି। ଏହାପରେ ଯୁବତୀ ଜଣଙ୍କ ଖୁବ ଜୋରରେ କାନ୍ଦିବାକୁ ଆରମ୍ଭ କରିଥିଲେ। ଯୁବତୀଙ୍କ ମାଆ ତାଙ୍କୁ ଅଟକାଇବାର କାରଣ କାଳେ ସେ ମଧ୍ୟ କରୋନା ପଜିଟିଭ ହୋଇଯିବେ। କିଛି ସମୟ ପରେ ତାଙ୍କ ପିତା ତଳେ ପଡିଯିବା ପରେ ଯୁବତୀ ତାଙ୍କୁ ପାଣି ଦେଇଥିଲେ। ଉକ୍ତ ବ୍ୟକ୍ତିଙ୍କର ବୟସ ୫୦ ବର୍ଷ। ସେ ଏକ କମ୍ପାନୀରେ କାମ କରୁଥିଲେ। ସଂକ୍ରମିତ ହେବା ପରେ ନିଜ ଗାଁ ଶ୍ରୀକାକୁଲମକୁ ଫେରି ଆସିଥିଲେ। ଗାଁରେ ରହିବାକୁ ବାରଣ ହେବାରୁ ଗାଁ ନିକଟରେ ଏକ ଝୁମ୍ପୁଡି ଘରେ ରହୁଥିଲେ। ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଶଯ୍ୟା ମିଳିନଥିଲା। ବ୍ୟକ୍ତିର କିଛି ସମୟ ପରେ ମୃତ୍ୟୁ ମଧ୍ୟ ହୋଇଯାଇଥିଲା। ପରେ ତାଙ୍କ ପରିବାରର ଝିଅ ଓ ମାଆ ମଧ୍ୟ ସଂକ୍ରମିତ ହୋଇଯାଇଛନ୍ତି। ଯେଉଁ ବ୍ୟକ୍ତି ଭିଡିଓ ପ୍ରସ୍ତୁତ କରିଥିଲେ ସେ ଏନେଇ ସୂଚନା ଦେଇଛନ୍ତି। ଆନ୍ଧ୍ରପ୍ରଦେଶରେ ମଧ୍ୟ ଦୈନିକ ସଂକ୍ରମିତଙ୍କ ସଂଖ୍ୟା ହଜାର ହଜାର ଟପୁଛି।
Comments are closed.