ଭୁବନେଶ୍ଵର: ରାଜ୍ୟର ବିଭିନ୍ନ ଆଞ୍ଚଳିକ ପରିବହନ କାର୍ଯ୍ୟାଳୟ (ଆରଟିଓ)ରେ ଡ୍ରାଇଭିଂ ଏବଂ ଲର୍ନିଂ ଲାଇସେନ୍ସ ଟେଷ୍ଟକୁ ବାତିଲ କରିଦିଆଯାଇଛି। ରାଜ୍ୟ ପରିବହନ କର୍ତ୍ତୃପକ୍ଷ (ଏସଟିଏ) ମଙ୍ଗଳବାର ଏହାକୁ ବାତିଲ କରିଛନ୍ତି। କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ପରିବହନ କମିଶନରଙ୍କ ନିର୍ଦେଶକ୍ରମେ ଏହି ନିଷ୍ପତ୍ତି ନିଆଯାଇଥିବା ଜଣାପଡ଼ିଛି।
ଆସନ୍ତା ୨୨ ତାରିଖରୁ ଏହି ନିର୍ଦେଶ କାର୍ଯ୍ୟକାରୀ ହେବ। ଅର୍ଥାତ୍ ୨୨ ତାରିଖରୁ ରାଜ୍ୟରେ ଡ୍ରାଇଭିଂ ଲାଇସେନ୍ସ (ଡିଏଲ) ଏବଂ ଲର୍ଣ୍ଣିଂ ଲାଇସେନ୍ସ (ଏଲଏଲ) ପରୀକ୍ଷା ବାତିଲ ରହିବ। ପରବର୍ତ୍ତୀ ନିଷ୍ପତ୍ତି ପର୍ଯ୍ୟନ୍ତ ଏହି ଆଦେଶ ବଳବତ୍ତର ରହିବ। ଆରଟିଓଗୁଡ଼ିକ ଡିଏଲ ଏବଂ ଏଲଏଲ ପରୀକ୍ଷା ବାତିଲ ନେଇ ଫେସବୁକ, ଟ୍ବିଟର ଆକାଉଣ୍ଟରେ ତଥ୍ୟ ପ୍ରକାଶ କରିବେ।
