ଭୁବନେଶ୍ୱର : ଚୈତ୍ର ଶୁକ୍ଳ ସପ୍ତମୀ ତିଥିରେ ସୋମବାର ଶ୍ରୀଲିଙ୍ଗରାଜ ମହାପ୍ରଭୁଙ୍କ ପବିତ୍ର ନେତ୍ରୋତ୍ସବ ଅନୁଷ୍ଠିତ ହେବ। ରଥ ପ୍ରତିଷ୍ଠା ପାଇଁ ମନ୍ଦିର ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି। ପାରମ୍ପରିକ ରୀତି ମତେ ସନ୍ଧ୍ୟାଧୂପ ଶେଷ ପରେ ରଥଖଳାରେ ରଥ ପ୍ରତିଷ୍ଠା ହେବ। ମନ୍ଦିର କୁଳ ପୁରୋହିତ, ପୁରୀ ରାଜଗୁରୁ ଏବଂ କ୍ଷେତ୍ରବାସୀ ସେବାୟତଙ୍କୁ ନେଇ ରଥପ୍ରତିଷ୍ଠା କରାଯିବ। ଏହାପୂର୍ବରୁ ମରିଚି କୁଣ୍ଡରୁ ପାଣି ରଥ ଚାରିପଟେ ସିଞ୍ଚନ ହେବା ପେର ରଥ ପ୍ରତିଷ୍ଠା ନୀତି ଆରମ୍ଭ ହେବ। ଏଥିଲାଗି ମୁକ୍ତେଶ୍ବର ପୀଠକୁ ବିଏମ୍ସି ତରଫରୁ ଆଲୋକମାଳାରେ ସଜାଯାଇଛି। ଶ୍ରୀଲିଙ୍ଗରାଜ ଥାନା ପକ୍ଷରୁ ସୁରକ୍ଷା ବ୍ୟବସ୍ଥା ତ୍ବରାନ୍ବିତ କରାଯାଇଛି। ନେତ୍ରୋତ୍ସବରେ ମୁକ୍ତେଶ୍ବର ପୀଠ ଚଳଚଞ୍ଚଳ ହୋଇଥାଏ। କିନ୍ତୁ ଏବର୍ଷ ରଥଯାତ୍ରା ବିନା ଭକ୍ତରେ ହେବା ସହିତ ସମସ୍ତ କାର୍ଯ୍ୟ କୋଭିଡ କଟକଣା ଭିତରେ କରାଯିବ। ୧୮ଜଣ କ୍ଷେତ୍ରବାସୀ ସେବାୟତ ସ୍ଥଳେ ୬ଜଣ ସେବାୟତ ମନ୍ଦିର ପ୍ରଶାସନ ଉପସ୍ଥିତିରେ ରଥପ୍ରତିଷ୍ଠା କାର୍ଯ୍ୟ ସମ୍ପନ୍ନ କରିବେ ବୋଲି ସୂଚନା ମିଳିଛି।
Popular Categories
Previous article
Next article