ଭୁବନେଶ୍ବର : ରାଜଧାନୀରେ ଦିନକୁ ଦିନ ବଢ଼ି ଚାଲିଥିବା ଅପରାଧକୁ ନିୟନ୍ତ୍ରଣ କରିବା ସହ ଅପରାଧୀଙ୍କୁ ଧରିବା ପାଇଁ କମିସନରେଟ ପୁଲିସ ବିଭିନ୍ନ ଥାନାର ବଛାବଛା ଅଫିସରଙ୍କୁ ନେଇ ସ୍ବତନ୍ତ୍ର ସ୍କ୍ବାଡ ଗଠନ କରିଛି। ବିଭିନ୍ନ ସ୍ଥାନରେ ଚଢଉ କରି ଶୁକ୍ରବାର ୫ ଥାନା ଅଞ୍ଚଳରୁ ୧୦ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କଠାରୁ ଗୋଟିଏ ଚୋରି ବାଇକ ଏବଂ ୨୨ଟି ଚୋରା ମୋବାଇଲ ଫୋନ ଜବତ କରିଛି।
ଗିରଫ ଅଭିଯୁକ୍ତମାନେ ହେଲେ, ନୂଆପଲ୍ଲୀ ଥାନାର ଭୁବନ ମହାନ୍ତି, ରାକେଶ ସାହୁ, ବିରଞ୍ଚି କୁମାର ମୁଦୁଲି ଓ ସତ୍ୟଜିତ ମଲ୍ଲିକ। ସେମାନଙ୍କଠାରୁ ୧୬ ଟି ମୋବାଇଲ ଫୋନ ଓ ଏକ ବାଇକ ଜବତ କରିଛି। ସେହିଭଳି ବଡ଼ଗଡ଼ ଥାନା ପୁଲିସ ଗିରଫ କରିଥିବା ୩ଅଭିଯୁକ୍ତ ହେଲେ, ପି ରାମା ରାଓ, ଆଲୋକ ପରମାଣିକ ଓ ସତ୍ୟସାଗର ପ୍ରଧାନ। ସେମାନଙ୍କଠାରୁ ୫ଟି ମୋବାଇଲ ଫୋନ ଜବତ ହୋଇଛି। ଅନ୍ୟ ଘଟଣାରେ ଜଣେ ବ୍ୟକ୍ତିଙ୍କୁ ଗାଡିରେ ଧକ୍କା ଦେଇ, ଗାଳିଗୁଲଜ କରି ଲୁହା ରଡରେ ଆକ୍ରମଣ କରି ମୋବାଇଲ ଫୋନ ଲୁଟ କରିବା ଅଭିଯୋଗରେ ଲକ୍ଷ୍ମୀସାଗର ଥାନା ପୁଲିସ ମଧ୍ୟ ଜଣକୁ ଗିରଫ କରିଛି। ଗିରଫ ଅଭିଯୁକ୍ତ ସନ୍ତୋଷ କୁମାର ବେହେରାକୁ ପୁଲିସ ଗିରଫ କରି କୋର୍ଟ ଚାଲାଣ କରିଛି। ଅପରପକ୍ଷରେ ଶୁକ୍ରବାର ରାତିରେ ଜୋନ-୧ ଏସିପି ମାନସ ଗଡନାୟକଙ୍କ ନେତୃତ୍ୱରେ କ୍ୟାପିଟାଲ ଥାନା ପୁଲିସ ଓ ଖାରବେଳନଗର ଥାନା ପୁଲିସ ନିଜ ନିଜ ଅଞ୍ଚଳର ବିଭିନ୍ନ ବସ୍ତିରେ ଚଢ଼ଉ କରି ୭ ଜଣଙ୍କୁ ଗିରଫ କରି ୧୫ଟି ଚୋରା ବାଇକ ଜବତ କରିଥିବା ଜଣାପଡିଛି।
ପୁଲିସ ହାବୁଡ଼ରେ ଚୋର : ୫ ଥାନାଅଞ୍ଚଳରୁ ୧୦ ଗିରଫ
Popular Categories
Previous article
Next article