କରୋନା ସଂକ୍ରମିତ ସିବିଆଇ ପୂର୍ବତନ ନିର୍ଦ୍ଦେଶକ ରଣଜିତ ସିହ୍ନାଙ୍କର ଆଜି ସକାଳେ ୬୮ ବର୍ଷ ବୟସରେ ସକାଳ ୪ଟା ୩୦ ମିନିଟ ସମୟରେ ଦେହାନ୍ତ ଘଟିଛି। ସେ ୧୯୭୪ ବ୍ୟାଚ୍ର ବିହାର କ୍ୟାଡର ଆଇପିଏସ୍ ଅଧିକାରୀ ଥିଲେ ଓ ୨୦୧୨ରୁ ୨୦୧୪ ପର୍ଯ୍ୟନ୍ତ ସିବିଆଇ ନିର୍ଦ୍ଦେଶକ ଥିଲେ। ମାତ୍ର ୨୧ ବର୍ଷା ବୟସରେ ୟୁପିଏସସି ପରୀକ୍ଷାରେ କୃତିତ୍ୱ ଅର୍ଜନ କରିଥିବା ଶ୍ରୀ ସିହ୍ନା ୨୦୧୨ରେ ସିବିଆଇ ମୁଖ୍ୟ ହେବାର ଗୌରବ ଅର୍ଜନ କରିଥିଲେ। ଏହା ପୂର୍ବରୁ ସେ ଆଇଟିଇବିପି, ରେଳବାଇ ସୁରକ୍ଷା ବଳ ଏବଂ ପାଟଣା ଓ ଦିଲ୍ଲୀ ସିବିଆଇରେ ସର୍ବୋଚ୍ଚ ପଦରେ କାର୍ଯ୍ୟ କରିଥିଲେ।
ତାଙ୍କ ନିଧନରେ ଆଇଟିଇବିପି ମହାନିର୍ଦ୍ଦେଶକ ଏବଂ ଅନ୍ୟ ବରିଷ୍ଠ ଅଧିକାରୀମାନେ ଶୋକ ପ୍ରକାଶ କରିଛନ୍ତି। ଦକ୍ଷତାପୂର୍ଣ୍ଣ କାର୍ଯ୍ୟ ପାଇଁ ପୁଲିସ ମେଡାଲ ଏବଂ ରାଷ୍ଟ୍ରପତିଙ୍କ ପଦକରେ ସମ୍ମାନିତ ଶ୍ରୀ ସିହ୍ନା ରାଞ୍ଚିର ଏସଏସପି, ବିହାରର ନକ୍ସଲ ଅଧ୍ୟୁଷିତ ମଗଧ ଅଂଚଳରେ ଡିଆଇଜି ଓ ଅନ୍ୟାନ୍ୟ ଉଚ୍ଚ ପଦପଦବୀରେ କାର୍ଯ୍ୟ କରି ପ୍ରସଂଶିତ ହୋଇଥିଲେ।
