ମୁମ୍ବଇ : ପଟୌଦି ବେଗମ୍ କରୀନା କପୁର ଖାନ୍ ଆଜିକାଲି କ୍ୟାମେରା ଦେଖିବା ମାତ୍ରେ ବେଶ୍ ସତର୍କ ହୋଇଯାଉଛନ୍ତି। ନିଜ ପାଇଁ ନୁହେଁ, ବରଂ କୁନି ପୁଅ ତୈମୁର୍ର ବଦ୍ମାସି ବ୍ୟବହାର ପାଇଁ। ଏଇ କିଛିଦିନ ତଳର ଘଟଣା। ମା’ ବବିତା, ପୁଅ ତୈମୁର୍ଙ୍କ ସହ କାର୍ରୁ ଓହ୍ଲାଇ ନିଜ ଫ୍ଲାଟ୍ ପାଖକୁ ଯାଉଥାନ୍ତି କରୀନା, ଫଟୋଗ୍ରାଫର୍ମାନେ ତାଙ୍କ ଘର ବାହାରେ ଛିଡ଼ା ହୋଇ ଫଟୋ ଉଠାଉଥାନ୍ତି। ପୁଅ ତୈମୁର୍ ଦୌଡ଼ି ଆସି ଜୋର୍ରେ ପାଟି କଲା ‘ନଟ୍ ଆଲାଡଡ୍’…୫-୬ଥର ଏପରି ସେ କହୁଥିବାବେଳେ କରୀନା ପୁଅକୁ ଯେତେ ଟାଣିଲେ ମଧ୍ୟ ସେ ଯିବାକୁ ରାଜିନଥିଲେ। ଫଟୋଗ୍ରାଫର୍ଙ୍କୁ ଏଭଳି କହିବା କରୀନାଙ୍କୁ ଆଦୌ ଭଲ ଲାଗିନଥିଲା। କ’ଣ ବା କରିବେ, ଛୋଟ ପିଲାକୁ ବୁଝାଇଲେ ସେ କେଉଁ ବୁଝୁଛି? ଏଇ ଘଟଣା ପରେ ପୁଣି ଥରେ ଫଟୋଗ୍ରାଫର୍ଙ୍କ ସହ କରୀନା ଓ ତୈମୁର୍ଙ୍କ ସାମ୍ନାସାମ୍ନି ହୋଇଗଲା। ତୈମୁର୍ ପୁଣି ବଦ୍ମାସିରେ କିଛି କହିବାକୁ ଯାଉଥିଲେ, ହେଲେ କରୀନା ତୁରନ୍ତ ଘର ଭିତରକୁ ପୁଅକୁ ନେଇଯାଇଥିଲେ। ଏକ ସାକ୍ଷାତକାର୍ରେ ନବାବ୍ ସୈଫ୍ ମଧ୍ୟ କହିଥିଲେ, ଟିମ୍ ବହୁତ ଦୁଷ୍ଟ। ସେ ଓ କରୀନା ଏବେଠାରୁ ଟିମ୍ର ବଦ୍ମାସି ନେଇ ସତର୍କ ହୋଇଗଲେଣି। ଦ୍ବିତୀୟଥର ଗର୍ଭବତୀ ଥିବା କରୀନା ତାଙ୍କ ଆଗାମୀ ପ୍ରୋଜେକ୍ଟ ‘ତଖ୍ତ’ର କାମ ୨୦୨୧ ଅଗଷ୍ଟ ପରେ ଆରମ୍ଭ କରିବେ ବୋଲି ଶୁଣାଯାଉଛି।
Popular Categories
Previous article
Next article