ବାମ୍ବୋଲିମ୍ : ଇଣ୍ଡିଆନ ସୁପର ଲିଗ୍ (ଆଇଏସ୍ଏଲ) ୭ମ ସଂସ୍କରଣେର ଓଡ଼ିଶାର ଦଳ ଓଡ଼ିଶା ଏଫ୍ସିର ପ୍ରଥମ ରାଉଣ୍ଡ ମ୍ୟାଚ ଶେଷହୋଇଛି। ଦଳ ୧୦ଟି ଲିଗ୍ ମ୍ୟାଚରୁ ଗୋଟିଏ ବିଜୟ, ୩ଟି ଡ୍ର ଓ ୬ଟି ପରାଜୟ ସହ ୬ ପଏଣ୍ଟ ପାଇଛି। ରବିବାର ବାମ୍ବୋଲିମ୍ର ଜିଏମ୍ସି ଷ୍ଟାଡ଼ିୟମରେ ଓଡ଼ିଶା ଏଫ୍ସି ଓ ଚେନ୍ନଇୟିନ୍ ଏଫ୍ସି ମଧ୍ୟରେ ଖେଳାଯାଇଥିବା ମ୍ୟାଚ ଗୋଲଶୂନ୍ୟ ଭାବେ ଶେଷ ହୋଇଛି। ମ୍ୟାଚ ଗୋଲଶୂନ୍ୟ ରହିବାରୁ ଉଭୟ ଦଳ ୧ ପଏଣ୍ଟ ଲେଖାଏଁ ପାଇଛନ୍ତି। ଶେଷ ମ୍ୟାଚରେ କେରଳ ବ୍ଲାଷ୍ଟର୍ସକୁ ପରାସ୍ତ କରିଥିବା ଓଡ଼ିଶା ଏଫ୍ସି ବିଜୟ ଧାରାକୁ ବଜାୟ ରଖିବା ନେଇ ଖେଳିଥିଲା। ପ୍ରାରମ୍ଭରୁ ଓଡ଼ିଶା ଏଫ୍ସି ଆକ୍ରମଣାତ୍ମକ ଖେଳ ଆପଣାଇଥିଲେ ମଧ୍ୟ ଗୋଲ ଦେବାରେ ସକ୍ଷମ ହୋଇନଥିଲା। ପ୍ରଥମାର୍ଦ୍ଧରେ କେହି କାହାରିକୁ ଗୋଲ ଦେବାରେ ସକ୍ଷମ ହୋଇନଥିଲେ। ଦ୍ବିତୀୟାର୍ଦ୍ଧରେ ମଧ୍ୟ ଉଭୟ ଦଳ ଗୋଲ ଦେବା ନେଇ ଉଦ୍ୟମ କରିଥିଲେ। ମ୍ୟାଚ ଶେଷ ମିନିଟ୍ ପର୍ୟ୍ୟନ୍ତ ସଂଘର୍ଷପୂର୍ଣ୍ଣ ହୋଇଥିବାବେଳେ ଗୋଲଶୂନ୍ୟ ରହିଥିଲା। ଓଡ଼ିଶା ଏଫ୍ସି ୧୦ଟି ମ୍ୟାଚରୁ ମାତ୍ର ୬ ପଏଣ୍ଟ ପାଇଥିବା ବେଳେ ୨ୟ ରାଉଣ୍ଡ ମ୍ୟାଚରେ ବିଜୟ ଦଳ ପାଇଁ ବେଶ ଗୁରୁତ୍ବପୂର୍ଣ୍ଣ। ଓଡ଼ିଶା ଏଫ୍ସି ୧୩ରେ ଦ୍ବିତୀୟ ରାଉଣ୍ଡର ପ୍ରଥମ ମ୍ୟାଚ ଚେନ୍ନଇୟିନ୍ ସହିତ ବାମ୍ବୋଲିମ୍ରେ ଖେଳିବ।
Popular Categories
Previous article
Next article