ଶ୍ରୀନଗର : ଜାମ୍ମୁ କାଶ୍ମୀର ଜିଲ୍ଲା ବିକାଶ ପରିଷଦ(ଡିଡିସି) ନିର୍ବାଚନ ଶେଷ ହୋଇଛି। ଶନିବାର ଅଷ୍ଟମ ତଥା ଚୂଡ଼ାନ୍ତ ପର୍ଯ୍ୟାୟ ମତଦାନ ଶାନ୍ତିପୂର୍ଣ୍ଣ ଭାବେ ଶେଷ ହୋଇଛି। ଆଜି ପ୍ରାୟ ୫୦.୯୮ ପ୍ରତିଶତ ମତଦାନ ହୋଇଥିବାର ରେକର୍ଡ କରାଯାଇଛି।
ରାଜ୍ୟ ନିର୍ବାଚନ କମିଶନ କେ.କେ ଶର୍ମା ଜାମ୍ମୁଠାରେ କହିଛନ୍ତି, ଜାମ୍ମୁ ଡିଭିଜନରେ ୭୨.୭୧ ପ୍ରତିଶତ ମତଦାନ ହୋଇଥିବା ବେଳେ କାଶ୍ମୀର ଉପତ୍ୟକାରେ ୨୯.୯୧ ପ୍ରତିଶତ ମତଦାନ ରେକର୍ଡ କରାଯାଇଛି। ଜାମ୍ମୁ ଡିଭିଜନରେ ଅଧିକ ସଂଖ୍ୟାରେ ଲୋକମାନେ ଆସି ମତଦାନ କରିଥିବା ଦେଖିବାକୁ ମିଳିଥିଲା। ମୋଟ ୬୪୦୪୪୩ ମତଦାତାଙ୍କ ମଧ୍ୟରୁ ୩୨୧୬୯୪ ଜଣ ମତଦାତା ସେମାନଙ୍କର ମତାଧିକାର ସାବ୍ୟସ୍ତ କରିଛନ୍ତି।
ଏହି ପର୍ଯ୍ୟାୟ ଜିଲ୍ଲା ବିକାଶ ପରିଷଦ ନିର୍ବାଚନରେ ୨୮ଟି ନିର୍ବାଚନ ମଣ୍ଡଳୀରେ ଭୋଟ୍ ନିଆଯାଇଛି। ସେଗୁଡ଼ିକ ମଧ୍ୟରେ ୧୩ଟି କାଶ୍ମୀର ଡିଭିଜନରେ ଥିବା ବେଳେ ୧୫ଟି ଜାମ୍ମୁ ଡିଭିଜନରେ ରହିଛି। ମୋଟ୍ ୧୬୮ଜଣ ପ୍ରାର୍ଥୀ ଏହି ପର୍ଯ୍ୟାୟରେ ପ୍ରତିଦ୍ୱନ୍ଦ୍ୱିତା କରିଛନ୍ତି। ସେମାନଙ୍କ ମଧ୍ୟରେ ୧୨୨ ଜଣ ପୁରୁଷ ଥିବାବେଳେ ୪୬ ଜଣ ମହିଳା ପ୍ରାର୍ଥୀ ରହିଛନ୍ତି। ଏଥିପାଇଁ
ମୋଟ୍ ୧ ହଜାର ୭୦୩ଟି ଭୋଟ୍ ଗ୍ରହଣ କେନ୍ଦ୍ର ସ୍ଥାପନ କରାଯାଇଥିଲା।
ଆସନ୍ତା ୨୨ ତାରିଖରେ ଭୋଟ ଗଣନା ସହିତ ଫଳାଫଳ ଘୋଷରା କରାଯିବ।
Comments are closed.