ମୁମ୍ବଇ : ନାଇକି ସ୍ଥାନରେ ମୋବାଇଲ୍ ଗେମ୍ କମ୍ପାନୀ ମୋବାଇଲ ପ୍ରିମିୟର ଲିଗ୍ (ଏମ୍ପିଏଲ୍) ଭାରତର ସମସ୍ତ କ୍ରିକେଟ୍ ଦଳର ପୋଷାକ ପ୍ରାୟୋଜକ ହୋଇଛି। ବିସିସିଆଇର ଆପେକ୍ସ କାଉନ୍ସିଲ ବୈଠକରେ ଏହି ନିଷ୍ପତ୍ତି ନିଆଯାଇଛି। ତେବେ ନାଇକିଠାରୁ ଏମ୍ପିଏଲ୍ କମ୍ ଅର୍ଥ ଦେବ ବୋଲି ଜାଣିବାକୁ ମିଳିଛି। ଏମ୍ପିଲ୍ ଭାରତର ଉଭୟ ପୁରୁଷ ଓ ମହିଳା ସିନିୟର ଓ ଜୁନିୟର ଦଳର ପୋଷାକ ପ୍ରାୟୋଜକ ରହିବ। ପ୍ରତି ମ୍ୟାଚ୍ ପାଇଁ ନାଇକି ୮୮ ଲକ୍ଷ ଟଙ୍କା ଦେଉଥିବା ବେଳେ ଏମ୍ପିଏଲ୍ କିନ୍ତୁ ୬୫ ଲକ୍ଷ ଟଙ୍କା ଦେବ ବୋଲି ଜାଣିବାକୁ ମିଳିଛି। କ୍ରୀଡା ପୋଷାକ ନିର୍ମାତା ଦୁଇ କମ୍ପାନୀ ପ୍ୟୁମା ଓ ଆଡିଡାସ୍ ମଧ୍ୟ ଏହି ଅଧିକାର ପାଇବାକୁ ଇଚ୍ଛୁକ ଥିଲେ ହେଁ ଦାବିପତ୍ର ଦାଖଲ କରିନଥିଲେ। ୨୦୧୬ରୁ ୨୦୨୦ ମଧ୍ୟରେ ୫ ବର୍ଷ ଲାଗି ଭାରତୀୟ କ୍ରିକେଟ୍ ଦଳର ପୋଷାକ ପ୍ରାୟୋଜକ ଥିବା ନାଇକି ବିସିସିଆଇକୁ ୩୭୦ କୋଟି ଟଙ୍କା ସହ ୩୦ କୋଟି ଟଙ୍କା ରୟାଲ୍ଟି ଦେଇଥିଲା। ତେବେ ମହାମାରୀ କୋଭିଡ୍-୧୯ ସଂକ୍ରମଣ ଯୋଗୁଁ ଏବେ କମ୍ ଆନ୍ତର୍ଜାତିକ ମ୍ୟାଚ୍ ଖେଳା ଯାଉଥିବାରୁ ଏହି ଅର୍ଥ ଦେବାକୁ ଅସମର୍ଥ କହି ନାଇକି ପୋଷାକ ପ୍ରାୟୋଜନରୁ ଓହରି ଯାଇଥିଲା।
Popular Categories
Previous article
Next article