ବଡ଼ସାହି : ଶୁଳିଆପଦା ଥାନାଧିକାରୀ ଗୋପାଳ ଚନ୍ଦ୍ର କର୍ଣ୍ଣ ବଡ଼ସାହିର ନୂତନ ଥାନାଧିକାରୀ ଭାବେ ବୁଧବାର କାର୍ଯ୍ୟରେ ଯୋଗ ଦେଇଛନ୍ତି। ବଡ଼ସାହିରେ ଖାଲି ପଡ଼ିଥିବା ପଦବୀ ପାଇଁ ଥାନା ଇଲାକାରେ ଅପରାଧିଙ୍କ ଦୌରାତ୍ମ ବୃଦ୍ଧି ହେଉଥିବାରୁ ଜନଅସନ୍ତୋଷକୁ ନେଇ ‘ସମାଜ’ରେ କ୍ରମାଗତ ଦୃଷ୍ଟି ଆକର୍ଷଣ ମୂଳକ ଖବର ପ୍ରକାଶ ସହିତ ଦୁଇ କନେଷ୍ଟବଳଙ୍କ ଭିଡ଼ିଓ ଭାଇରାଲ ପରେ କାର୍ଯ୍ୟରୁ ନିଲମ୍ବିତ ଘଟଣା ପରେ ବଡ଼ସାହିର ପୂର୍ବତନ ବିଧାୟକ ଗଣେଶ୍ୱର ପାତ୍ର ଓ ବ୍ଲକ ଅଧ୍ୟକ୍ଷା ଲକ୍ଷ୍ମୀ ସିଂ ଦଳର ଜିଲା ପର୍ଯ୍ୟବେକ୍ଷକ ପ୍ରଣବ ପ୍ରକାଶ ଦାସଙ୍କ ସହିତ ଯୋଗାଯୋଗ କରିଥିଲେ। ଶ୍ରୀପାତ୍ର ଏନେଇ ଗତ ଶୁକ୍ରବାର ଭୁବନେଶ୍ୱର ଯାଇ ତାଙ୍କ ସହିତ ଆଲୋଚନା ମଧ୍ୟ କରିଥିଲେ। ତା’ପରେ ଜଣେ ଦକ୍ଷ ଯୁବ ପୁଲିସ ଅଫିସରଙ୍କୁ ବଡ଼ସାହି ଦାୟିତ୍ୱ ନେବା ପାଇଁ ମୟୂରଭଞ୍ଜ ଏସପି ସେହିଦିନ ପତ୍ର ସଂଖ୍ୟା ୬୪୧ ଯୋଗେ ନିର୍ଦେଶ ଦେଇଥିଲେ। ତଦନୁଯାୟୀ ଶ୍ରୀ କର୍ଣ୍ଣ ଆଜି କାର୍ଯ୍ୟରେ ଯୋଗ ଦେଇଛନ୍ତି। ନିଜର ଭଦ୍ର ଆଚରଣ ଓ କର୍ମଠ ପୁଲିସ ଅଫିସର ଭାବେ ଶ୍ରୀଯୁକ୍ତ କର୍ଣ୍ଣ ମହୁଲଢ଼ିହା ଓ ଶୁଳିଆପଦାରେ ସମସ୍ତଙ୍କର ପ୍ରଶଂସାଭାଜନ ଅଫିସର ଭାବେ ନିଜକୁ ପ୍ରମାଣିତ କରିଥିବା ବେଳେ ବଡ଼ସାହି ଅଞ୍ଚଳରେ ସର୍ବୋତ୍ତୋମ ସେବା ପ୍ରଦାନ ପାଇଁ ନିର୍ବାଚିତ ଜନପ୍ରତିନିଧି, ଆଇନଜୀବୀ, ଗଣମାଧ୍ୟମର ପ୍ରତିନିଧି ଓ ଜନସାଧାରଣଙ୍କ ସହଯୋଗ କାମନା କରିଛନ୍ତି।
Comments are closed.