ନୂଆଦିଲ୍ଲୀ : ଶତାବ୍ଦୀର ମହାନାୟକ ‘ବିଗ୍-ବି’ ଅମିତାଭ ବଚ୍ଚନ ସବୁବେଳେ ଚର୍ଚ୍ଚାରେ ଥାଆନ୍ତି। କିନ୍ତୁ ଏବେ ଚର୍ଚ୍ଚା ଏକ ଭିନ୍ନ ତଥା ମହତ କାର୍ଯ୍ୟ ପାଇଁ। ଅଙ୍ଗଦାନ କରିବା ନେଇ ଅମିତାଭ ବଚ୍ଚନ ବୁଧବାର ଟ୍ୱିଟରରେ ଘୋଷଣା କରିଛନ୍ତି । କୋଭିଡ ମୁକ୍ତ ହୋଇ ‘କୌନ ବନେଗା କରୋଡ଼ପତି’ ପାଇଁ ଅମିତାଭ ବଚ୍ଚନ ଚର୍ଚ୍ଚାରେ ଥିବାବେଳେ, ମୃତ୍ୟୁ ପରେ ନିଜର ଅଙ୍ଗଦାନ କରିବାକୁ ଘୋଷଣା କରିଛନ୍ତି ।
T 3675 – I am a pledged ORGAN DONOR .. I wear the green ribbon of its sanctity !!? pic.twitter.com/EIxUJzkGU6
— Amitabh Bachchan (@SrBachchan) September 29, 2020
ଅଙ୍ଗଦାନ ପାଇଁ ସେ ସତ୍ୟପାଠ କରିଥିବା ଟ୍ବିଟ କରି କହିଛନ୍ତି। ଏହି ଟୁଇଟରେ ସେ ଏକ ଫଟୋ ମଧ୍ୟ ପୋଷ୍ଟ କରିଛନ୍ତି। ଏକ ସବୁଜ ରିବନ୍ ପିନ୍ଧି ସେ ନିଜର ଶପଥ ଓ ପବିତ୍ରତା ବିଷୟରେ ଉଲ୍ଲେଖ କରିଛନ୍ତି। ଏହି ଟ୍ୱିଟକୁ ନେଇ ସୋସିଆଲ ମିଡିଆରେ ବିଗ୍-ବିଙ୍କ ନିକଟକୁ ପ୍ରଶଂସାର ସୁଅ ଛୁଟିବାରେ ଲାଗିଛି।
T 3674/5 – … in fulfilment of ancestors .. in the remembrance of them that lived in time , to give us this today .. honour for them done .. may their blessings be with us ever ..
NO .. the deed be not ever disclosed .. they that know , shall ever know .. ??? pic.twitter.com/J9QjRikGnK— Amitabh Bachchan (@SrBachchan) September 29, 2020
ସମାଜର ବିଭିନ୍ନ ବର୍ଗର ଲୋକେ ତାଙ୍କୁ ଏଥିପାଇଁ ଶୁଭେଚ୍ଛା ଜଣାଇଛନ୍ତି। ଅନେକ ଚିତ୍ର ତାରକା ଓ ନାୟକ/ନାୟିକା ମଧ୍ୟ ‘ବିଗ୍-ବି’ଙ୍କୁ ଶୁଭେଚ୍ଛା ଜଣାଇଛନ୍ତି। ସବୁବେଳ ନିଜର ବଦାନ୍ୟତା ପାଇଁ ପ୍ରସିଦ୍ଧି ହାସଲ କରିଥିବା ‘ବିଗ୍-ବି’ଙ୍କ ଏହି ନିଷ୍ପତି ତାଙ୍କ ଉଦାର ବ୍ୟକ୍ତିତ୍ଵକୁ ଆହୁରି ମହାନ କରି ତୋଳିଛି।
