ହରଭଙ୍ଗା: ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଅର୍ନ୍ତଗତ କୋଡାଶିଙ୍ଗା ଗ୍ରାମର ଚକ୍ରଧର ବେହେରାଙ୍କ ଏଗାର ବର୍ଷ ତଳେ ଗୋଟିଏ ଶିଶୁପୁତ୍ର ଜନ୍ମ ହୋଇଥିଲା।ମାତ୍ର ଜନ୍ମରୁ ପିଲାର ଖାଦ୍ୟନଳୀ ନଥିବାରୁ ବାପା/ମାଆ କଟକ ମେଡିକାଲ ନେଇ ୧୫ଦିନ ମଧ୍ୟରେ ଅପରେସନ କରି ଗୋଟିଏ ପ୍ଲାଷ୍ଟିକ ଖାଦ୍ୟନଳୀ ଲଗାଇ ପୁଅକୁ ନୂଆ ଜୀବନ ଦେଇଥିଲେ।ୟା ଭିତରେ ଚକ୍ରଧରଙ୍କ ବଡ ପୁଅ ଆକାଶ ବେହେରା ବଡ ହେବା ସହିତ ସେ ବର୍ତମାନ ଷଷ୍ଠ ଶ୍ରେଣୀରେ ପାଠପଢୁଛି। ବୟସ ବୃଦ୍ଧି ଯୋଗୁଁ ଆକାଶ ଅଧିକ ପରିମାଣରେ ଖାଦ୍ୟ ଖାଇବାକୁ ଚାହୁଁଛି। ମାତ୍ର ଏଗାର ବର୍ଷ ତଳେ ଲାଗିଥିବା ପ୍ଲାଷ୍ଟିକ ନଳୀ ସାହାଯ୍ୟରେ ଅଧିକ ଖାଦ୍ୟ ଖାଇବା ସମ୍ଭବପର ହେଉନାହିଁ। ଯାହାଫଳରେ ଆକାଶ ତରଳ ପଦାର୍ଥ ଖାଇ ଏଗାରବର୍ଷ ହେଲାଣି ଦୁଃଖ ସହ ଜୀବନ ବିତାଉଛି।ଭୋକ ବିକଳରେ ଅଧିକ ଖାଦ୍ୟ ମୁଠାଏ ଖାଇବା ପାଇଁ ଚେଷ୍ଟା କଲେ ତାହା ବାନ୍ତି ହୋଇ ପେଟରୁ ବାହାରିପଡୁଥିବା ମାଆ ଭାବିନୀ ବେହେରା କହନ୍ତି।ପ୍ଲାଷ୍ଟିକ ଖାଦ୍ୟ ନଳୀ ପରିବର୍ତନ ପାଇଁ ଗରିବ ବାପା/ମାଆ ପାଖରେ ଅର୍ଥ ନଥିବାରୁ ପୁଅକୁ ମେଡିକାଲ ନେଇ ଯାଇପାରୁନାହାଁନ୍ତି।ଏଭଳି ଅବସ୍ଥାରେ ବଡ ପୁଅ ଆକାଶର ଏଭଳି ଅବସ୍ଥା ଜନ୍ମଦାତ୍ରୀ ମାଆ ମନରେ ଅସରନ୍ତି ଦୁଃଖ ଦେଇଛି।ସରକାରୀ ସାହାଯ୍ୟ ମିଳିଲେ ପୁର୍ନବାର ଖାଦ୍ୟନଳୀ ପରିବର୍ତନ କରିବା ସମ୍ଭବପର ହୋଇପାରିବ ବୋଲି ମାଆ କୋହଭରା କଣ୍ଠରେ କହନ୍ତି।ଏଥିପ୍ରତି ଜିଲ୍ଲାପ୍ରଶାସନ ତୁରନ୍ତ ଦୃଷ୍ଟି ଦେବା ସହ ଗରିବ ପରିବାରକୁ ସହାୟତାର ହାତ ବଢାଇବା ପାଇଁ ଗ୍ରାମର ଓାର୍ଡସଭ୍ୟ କୃପାସିନ୍ଧୁ ବେହେରା ଦାବୀ କରିଛନ୍ତି।
