ଭୁବନେଶ୍ୱର:କରୋନା ସମୟରେ ଯୋଦ୍ଧା ସାଜି ନିଜ କର୍ତ୍ତବ୍ୟ ପରାୟଣତାର ପରିଚୟ ଦେଇଥିବା ଓ ସମାଜ ପାଇଁ ସେବା କରିଥିବା
ଲୋକଙ୍କୁ ସମ୍ବର୍ଦ୍ଧିତ କରିଛି ପରିଚୟ ଫାଉଣ୍ଡେସନ୍। ଭର୍ଚୁଆଲ୍ ମାଧ୍ୟମରେ ସଂସ୍କୃତି ଓ ପର୍ୟ୍ୟଟନ ମନ୍ତ୍ରୀ ଜ୍ୟୋତି ପାଣିଗ୍ରାହୀ କରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା ପ୍ରଦାନ କରିଛନ୍ତି। କରୋନା ସମୟରେ ପ୍ରବାସୀ ଶ୍ରମିକଙ୍କୁ ଶୁଖିଲା ଖାଦ୍ୟ ସହ ରାସନ ବାଣ୍ଟିବା ଅଭିଯାନ ଚଲାଇଥିବା ସିଏମ୍ସିର ପ୍ରାକ୍ତନ ଉପାଧ୍ୟକ୍ଷ ପୁଷ୍ପା ସାମଲ, ବସ୍ତିବାସିନ୍ଦାଙ୍କ ପାଇଁ କାମ କରିଥିବା ଇ.କାମେଶ୍ୱର ପାତ୍ର, ଦିବ୍ୟାଙ୍ଗ କ୍ରିକେଟ ସଂଘର ଉପସଭାପତି ବେଲା ଜୟସ୍ୱାଲ, ଲକଡାଉନ୍ ସମୟରେ ବୁଲା ପଶୁପକ୍ଷୀଙ୍କୁ ଖାଦ୍ୟ ଯୋଗାଇଥିବା ବାସନ୍ତୀ ସିଂ, ଆମ୍ବିକି ପଞ୍ଚାୟତରେ ଅସ୍ଥାୟୀ ସ୍ୱାସ୍ଥ୍ୟ ଶିବିର ଦାୟିତ୍ୱରେ ଥିବା କୈଳାସ ପରିଡା, ଫଟୋ ସାମ୍ବାଦିକ ସମିମ୍
କ୍ୟୁରେସୀ ଓ ମୃତକଙ୍କ ଶରୀରର ଶବଦାହ ପାଇଁ ମଶାଣିକୁ ଆଣିବାରେ ସହାୟତା କରୁଥିବା ରେଶ୍ମା ସିଂଙ୍କୁ କୋଭିଡ୍ ଯୋଦ୍ଧା ଭାବେ ସମ୍ମାନିତ କରାଯାଇଛି। କରୋନା ଭଳି ବିପତ୍ତି ସମୟରେ ସମାଜରେ ସେବା ଭାବର ନିଦର୍ଶନ ଦେଖାଇ ଯୋଦ୍ଧା ପାଲଟିଥିବା ବ୍ୟକ୍ତିଙ୍କୁ ସମ୍ବର୍ଦ୍ଧିତ କରି ଅନ୍ୟମାନଙ୍କୁ ଏଥିପାଇଁ ପ୍ରେରଣା ଦେବା ଆମର ଉଦ୍ଦେଶ୍ୟ ବୋଲି ପରିଚୟ ଫାଉଣ୍ଡେସନ୍ର ପ୍ରତିଷ୍ଠାତା ରୋଜାଲିନ ପାଟ୍ଟଶାଣୀ କହିଛନ୍ତି। ଦୀକ୍ଷା ତିୱାରୀ ଓ ମିନର୍ଭା ପ୍ରିୟଦର୍ଶିନୀ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ।
କରୋନା ଯୋଦ୍ଧାଙ୍କୁ ସମ୍ବର୍ଦ୍ଧିତ କଲା ପରିଚୟ ଫାଉଣ୍ଡେସନ୍
Popular Categories
Previous article
Next article