ଜୟପୁର: ଆସନ୍ତାକାଲି ବସିବ ରାଜସ୍ଥାନ ବିଧାନସଭାର ବିଶେଷ ଅଧିବେଶନ । ଏହା ପୂର୍ବରୁ ଗୁରୁବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଓ ତାଙ୍କର ପୂର୍ବତନ ସହଯୋଗୀ ତଥା ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ମଧ୍ୟରେ ହୋଇଛି ସାକ୍ଷାତ । ଦଳର ବରିଷ୍ଠ ନେତା ତଥା ସୋନିଆଙ୍କ ଦୂତ କେ.ସି.ବେଣୁଗୋପାଳଙ୍କ ଉପସ୍ଥିତିରେ ଗେହଲଟ୍ ଓ ପାଇଲଟ୍ ଏକାଠି ହୋଇଛନ୍ତି ।ଦୁହେଁ ପରସ୍ପରର ହାତ ମିଳାଇଛନ୍ତି ଓ ହସର ଫୁଆରା ଫୁଟାଇଛନ୍ତି । ମାତ୍ର ମାସ୍କ ତଳେ ଦୁଇ ନେତାଙ୍କ ହସ କୃତ୍ରିମ ନା ସ୍ବାଭାବିକ ତାହା ଭବିଷ୍ୟତ ହିଁ କହିବ।
Jaipur: Congress leader Sachin Pilot meets CM Ashok Gehlot at his residence.
Congress Legislature Party meeting to take place here, ahead of the special session of the #Rajasthan Assembly tomorrow. pic.twitter.com/0Wc60ED1jc
— ANI (@ANI) August 13, 2020
ଗୁରୁବାର ସନ୍ଧ୍ୟାରେ ପାଇଲଟ୍ ଓ ତାଙ୍କର ସହଯୋଗୀ ବିଦ୍ରୋହୀ ବିଧାୟକମାନେ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ବାସଭବନରେ ପହଞ୍ଚିଥିଲେ । ସେହିପରି ଗେହଲଟଙ୍କ ଗୋଷ୍ଠୀର ବିଧାୟକମାନଙ୍କୁ ହୋଟେଲରୁ ସିଧା ମୁଖ୍ୟମନ୍ତ୍ରୀଙ୍କ ବାସଭବନକୁ ନିଆଯାଇଥିଲା । ବିଧାନସଭା ଅଧିବେଶନ ପ୍ରଥମ ଦିନ ଅର୍ଥାତ୍ ଆସନ୍ତାକାଲି ବିଜେପି ଅଶୋକ ଗେହଲଟ ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଗତ କରିବାକୁ ଘୋଷଣା କରିଛି । ବିରୋଧୀଦଳ ନେତା ଗୁଲାବ ଚନ୍ଦ୍ର କଟାରିଆ ଏହି ଘୋଷଣା କରିବା ସହ କହିଛନ୍ତି ଯେ ବିଜେପି ନିଜ ସହଯୋଗୀମାନଙ୍କ ସହ ବିଧାନସଭାରେ ଅନାସ୍ଥା ପ୍ରସ୍ତାବ ଆଗତ କରିବାକୁ ଯାଉଛି ।
ଏହି ସ୍ଥିତିରେ ପାଇଲଟଙ୍କ ଘରବାହୁଡ଼ା ସାଙ୍ଗକୁ ଗେହଲଟଙ୍କ ପାଇଁ ଆଉ ଏକ ଭଲ ଖବର ବି ପହଞ୍ଚିଛି । କଂଗ୍ରେସ ଦଳରେ ବିଲୀନ ହୋଇଥିବା ବିଏସପିର ୬ ବିଧାୟକ ମଧ୍ୟ ବିଧାନସଭା ଅଧିବେଶନରେ ଭାଗ ନେଇ ପାରିବେ ବୋଲି ଅଦାଲତ ନିର୍ଦେଶ ଦେଇଛନ୍ତି ।
Jaipur: Congress leader Sachin Pilot meets CM Ashok Gehlot at his residence.
Congress Legislature Party meeting to take place here, ahead of the special session of the #Rajasthan Assembly tomorrow. pic.twitter.com/0Wc60ED1jc
— ANI (@ANI) August 13, 2020
ଏଠାରେ ଉଲ୍ଲେଖ ଅନାବଶ୍ୟକ ଯେ ସଚିନ ପାଇଲଟ ଓ ତାଙ୍କ ସମର୍ଥକ ବିଦ୍ରୋହୀ ବିଧାୟକମାନଙ୍କ ଯୋଗୁଁ ରାଜସ୍ଥାନରେ ରାଜନୈତିକ ସଙ୍କଟ ଗୁରୁତର ହୋଇଥିଲା । ମାତ୍ର ରାହୁଳ-ପ୍ରିୟଙ୍କାଙ୍କ ସହ ପାଇଲଟଙ୍କ ଆଲୋଚନା ପରେ ଆପାତତଃ ଏହି ବିପଦ ଦୂରେଇ ଯାଇଛି ଓ କଂଗ୍ରେସ ଆଶ୍ଵସ୍ତିର ନିଶ୍ଵାସ ନେଇଛି ।
Comments are closed.