ଖାଲି ଚହଲ ନୁହନ୍ତି; ମାରାତ୍ମକ ବ୍ୟାଟ୍ସମ୍ୟାନ ରାହୁଳ, ପନ୍ଥ ଓ ବୁମରା ବି ବୋଲ୍ଡ଼

ଗତ କିଛିଦିନ ହେଲା ଭାରତୀୟ ସ୍ପିନର ଯୁଜବେନ୍ଦ୍ର ଚହଲ ଓ ଧନଶ୍ରୀ ବର୍ମାଙ୍କ ନିର୍ବନ୍ଧ ଖବର ବେଶ୍ ଚର୍ଚାରେ ରହିଛି । ଚହଲ ଆଇପିଏଲ୍ ଖେଳିବାକୁ ଯିବା ପୂର୍ବରୁ ଧନଶ୍ରୀ ତାଙ୍କୁ ବାଟେଇ ଦେବାକୁ ଆସିଥିବା ଖବର ମଧ୍ୟ ପଦାକୁ ଆସିଛି । ହେଲେ ଖାଲି ଚହଲ ନୁହନ୍ତି, ଭାରତୀୟ କ୍ରିକେଟ୍ ଦଳର ତିନି ମାରାତ୍ମକ ଖେଳାଳୀ ବି ଏବେ  ପ୍ରେମରେ ବୋଲ୍ଡ଼ ହୋଇଥିବା ସୂଚନା ମିଳିଛି । ସେମାନଙ୍କ ମଧ୍ୟରେ ଅଛନ୍ତି ଦୁଇ ୱିକେଟ୍ କିପର ବ୍ୟାଟ୍ସମ୍ୟାନ କେ.ଏଲ୍. ରାହୁଳ, ଋଷଭ ପନ୍ଥ । ଆଉ ଭାରତୀୟ କ୍ରିକେଟର ଭବିଷ୍ୟତ ଓ ମାରାତ୍ମକ ବୋଲର କୁହାଯାଉଥିବା ଯଶପ୍ରୀତ୍ ବୁମରା ମଧ୍ୟ ବୋଲ୍ଡ଼ ହୋଇଥିବା ଖବର ପହଞ୍ଚିଛି । ଫିଲ୍ମ ଆଉ କ୍ରିକେଟର ସମ୍ପର୍କ ଚହଲଙ୍କଠାରୁ ଆରମ୍ଭ ହୋଇନାହିଁ । ଏହା ପୂର୍ବରୁ ଏପରି ଅନେକ ଘଟଣା ଦେଖିଛି କ୍ରିକେଟ୍ ଆଉ ଫିଲ୍ମ ଦୁନିଆ। ନିକଟ ଅତୀତରେ ବିରାଟ କୋହଲି- ଅନୁଷ୍କା ଶର୍ମା, ହାର୍ଦିକ ପାଣ୍ଡ୍ୟା-ନତାଶା ଷ୍ଟେନକୋଭିକ୍, ଯୁବରାଜ ସିଂହ- ହାଜେଲ କିଚ୍ ବିବାହ ବନ୍ଧନରେ ଆବଦ୍ଧ ହୋଇଛନ୍ତି । 

ଚହଲ-ଧନଶ୍ରୀ: ୟଯୁବେନ୍ଦ୍ର ଜହଲ ଓ କୋରିଓଗ୍ରାଫର ଧନଶ୍ରୀ ବର୍ମା ଗତ ସପ୍ତାହରେ ନିଜ ସମ୍ପର୍କର ଉନ୍ମୋଚନ କରିଛନ୍ତି । ଧନଶ୍ରୀ ଓ ଚହଲଙ୍କ ନିର୍ବନ୍ଧ (ରୋକା ଉତ୍ସବ) ମଧ୍ୟ କରି ସାରିଛନ୍ତି । ଧନଶ୍ରୀଙ୍କ ସହ ନିର୍ବନ୍ଧର ଫଟୋ ଚହଲ ସୋସିଆଲ ମିଡ଼ିଆରେ ଶେୟାର କରିବା ପରେ ତାଙ୍କୁ କ୍ରିକେଟ୍ ଓ ଫିଲ୍ମ ଉଭୟ ଆଡ଼ୁ ଅଭିନନ୍ଦନ ଜ୍ଞାପନ କରିଛନ୍ତି । ବିବାହ ଆପାତତଃ ଚୂଡ଼ାନ୍ତ ଓ ଆଇପିଏଲ୍ ପରେ କରାଯିବ ବୋଲ ଉଭୟଙ୍କ ପରିବାର ଆଡ଼ୁ ସୂଚନା ମିଳିଛି ।

କେ.ଏଲ.ରାହୁଳ-ଆଥିୟା ସେଟ୍ଟି: କ୍ରିକେଟ ତାରକା ଓ ଅଭିନେତ୍ରୀଙ୍କ ମଧ୍ୟରେ ସମ୍ପର୍କର ଆଉ ଏକ କାହାଣୀ ହେଉଛି ୱିକେଟକିପର ବ୍ୟାଟ୍ସମ୍ୟାନ କେ.ଏଲ୍.ରାହୁଳ ଓ ଆଥିଆ ସେଟ୍ଟିଙ୍କ ସମ୍ପର୍କ ।  ଉଭୟ ଇନଷ୍ଟାଗ୍ରାମରେ ପରସ୍ପରର ଫଟୋ ସେୟାର କରୁଛନ୍ତି । ନିକଟରେ ଆଥିଆ ନିଜ ସୋସିଆଲ ମିଡ଼ିଆ ଆକାଉଣ୍ଟରେ ଏକ ଫଟୋ ପୋଷ୍ଟ କରିଛନ୍ତି, ଯାହାର ପ୍ରଥମ କମେଣ୍ଟ ରାହୁଳ କରିଥିଲେ । ଅବଶ୍ୟ ଏହା ପୂର୍ବରୁ ରାହୁଳଙ୍କ ନାମ ଆକାଂକ୍ଷା ରଞ୍ଜନ, ନିଧି ଅଗ୍ରୱାଲ, ସୋନାଲ ଚୌହ୍ବାଣଙ୍କ ସହ ମଧ୍ୟ ଚର୍ଚାରେ ରହିଥିଲା ।