କରୋନା କାଳରେ ଚର୍ଚିତ ବଲିଉଡ଼ ଅଭିନେତାଙ୍କ ହୃଦୟଖୋଲା ସହାୟତା ଅନେକଙ୍କ ପାଇଁ ଉଦାହରଣ ପାଲଟିଛି । ଲକ୍ଷଲକ୍ଷ ଲୋକ ତାଙ୍କୁ ହୃଦୟରୁ ସାଧୁବାଦ ଜଣାଉଛନ୍ତି । ନିକଟରେ କେନ୍ଦ୍ରାପଡ଼ାରେ ତାଙ୍କ ନାଁରେ ଜଣେ ଯୁବକ ମୋଟର ସାଇକେଲ ମରାମତି ଦୋକାନ ଖୋଲିଛନ୍ତି । ଆନ୍ଧ୍ରପ୍ରଦେଶରେ ତାଙ୍କ ନାଁରେ ପୋଖରୀ ଖୋଳା ଯାଇଛି । ଅନୁରୂପ ଆଉ ଏକ ଘଟଣା ସୋନୁଙ୍କ ଉଦାର ହୃଦୟ ଓ ମହତ ପଣିଆକୁ ଆହୁରି ଦୀପ୍ତିମନ୍ତ କରିଛି ।ଘଟଣାଟି ଘଟିଛି ଆନ୍ଧ୍ରପ୍ରଦେଶ ଚିତ୍ତୋର ଅଞ୍ଚଳରେ । ଅର୍ଥାଭାବରେ ବଳଦ କିଣି ନ ପାରି ହଳ କରିବା ବେଳେ ବାପାଙ୍କୁ ସହାୟତା କରୁଥିବା ଦୁଇଝିଅଙ୍କ ଖବର ପଢ଼ିବା ପରେ ସମ୍ପୃକ୍ତ ପରିବାରକୁ ଟ୍ରାକ୍ଟରଟିଏ ଯୋଗାଇ ଦେଇଛନ୍ତି ସୋନୁ ସୁଦ।
Tomorrow morning he will have a pair of ox ? to plough the fields. Let the girls focus on their education.. कल सुबह से दो बैल इसके खेत जोतेंगे. किसान हमारे देश का गौरव है।Protect them. ? https://t.co/oWAbJIB1jD
— sonu sood (@SonuSood) July 26, 2020
ସାମାଜିକ ଗଣମାଧ୍ୟମରେ ଏହି ଗରିବ ପରିବାରର ଦୁଇ ଝିଅ ହଳ ଟାଣୁଥିବାର ଦୃଶ୍ୟ ଭାଇରାଲ ହୋଇଥିଲା । ଦୁଇ ଝିଅ ବଳଦ ସାଜି ହଳ ଟାଣୁଥିବା ବେଳେ ବାପା ଲଙ୍ଗଳ କଣ୍ଟି ଧରି ଚାଷ କରୁଥିଲେ ଓ ପଛେପଛେ ମା’ ବିହନ ବୁଣୁଥିବା ଦୃଶ୍ୟ ସୋନୁଙ୍କୁ ବିଗଳିତ କରିଥିଲା । ସେ ସମ୍ପୃକ୍ତ ପରିବାର ସମ୍ପର୍କରେ ଅନୁସନ୍ଧାନ କରିଥିଲେ । ଲକଡ଼ାଉନ ଯୋଗୁଁ ଚା ଦୋକାନ ବନ୍ଦ ହୋଇ ଯାଇଥିବା ଗୃହ କର୍ତ୍ତାଙ୍କ ନିକଟରେ କିଛି କାମ ନ ଥିଲା । ପରିବାର ପୋଷିବା ପାଇଁ ଚାଷକରିବାକୁ ବାହାରିଲେ, ହେଲେ ବଳଦ କିଣିବାକୁ ମଧ୍ୟ ପାଖରେ ଟଙ୍କା ନ ଥିଲା । ଦୁଇ ଝିଅ ବାପାଙ୍କୁ ସହାୟତା କରିବାକୁ ଆଗେଇ ଆସିଲେ । ଦୁଇ ଝିଅ, ମା ଓ ବାପା ମିଳିମିଶି ଚାଷ ଆରମ୍ଭ କଲେ । ସୋନୁ ଏହି ଭିଡ଼ିଓ ଦେଖିବା ପରେ ତାଙ୍କ ପରିବାରକୁ ଯୋଡ଼େ ବଳଦ ଦେବାକୁ ମନସ୍ଥ କରିଥିଲେ ।
Thank you so much sir for all the encouraging words. Your kindness will inspire everyone to come forward and help the needy. Under your guidance millions will find a way to achieve their dreams. Keep inspiring sir. I look forward meeting you soon. ??? https://t.co/XruwFx1vy2
— sonu sood (@SonuSood) July 26, 2020
ପରେ ସେ ନିଜ ଟ୍ବିଟରେ ଏହି ପରିବାରକୁ ବଳଦ ନୁହେଁ ଟ୍ରାକ୍ଟରଟିଏ ଲୋଡ଼ା ବୋଲି ଉଲ୍ଲେଖ କରି ଏଥିରେ ଚାଷ ସହଜ ହେବ ଓ ଦୁଇ ଝିଅ ପାଠ ପଢ଼ି ପାରିବେ ବୋଲି ଟ୍ବିଟ୍ କରିଥିଲେ । ଏହାପରେ ସେ ସମ୍ପୃକ୍ତ ପରିବାରକୁ ଗୋଟିଏ ଟ୍ରାକ୍ଟର ମଧ୍ୟ ଯୋଗାଇ ଦେଇଥିଲେ।
ସୋନୁଙ୍କ ଏହି ସହାୟତା ଓ ଉଦାର ହୃଦୟକୁ ପ୍ରଶଂସା କରିଛନ୍ତି ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡ଼ୁ । ସେ ନିଜ ଟ୍ବିଟରରେ ଗରିବ ପରିବାରକୁ ଦିଆଯାଇଥିବା ଟ୍ରାକ୍ଟର ଫଟୋ ସେୟାର କରି ସୋନୁଙ୍କୁ ପ୍ରଶଂସାରେ ପୋତି ପକାଇଛନ୍ତି ।
