ମୁମ୍ବଇ: ବଲିଉଡ଼ ଅଭିନେତା ସ୍ୱର୍ଗତଃ ସୁଶାନ୍ତ ସିଂହ ରାଜପୁତଙ୍କୁ ତାଙ୍କ ପ୍ରଶଂସକମାନେ ଭିନ୍ନ ଭିନ୍ନ ଉପାୟରେ ଶ୍ରଦ୍ଧାଞ୍ଜଳି ଦେଉଥିବା ଦେଖିବାକୁ ମିଳିଛି। ସେହିପରି କିଛି ନିଆରା ଢଙ୍ଗରେ ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ବିହାରବାସୀ। ଅଭିନେତାଙ୍କ ହୋମଟାଉନ୍ ପୂର୍ଣ୍ଣିଆରେ ସୁଶାନ୍ତଙ୍କ ନାଁରେ ଏକ ରାସ୍ତାର ନାମକରଣ କରାଯାଇଛି।
ଏହି ରାସ୍ତା ଉଦ୍ଘାଟନ କରାଯାଉଥିବାର ଏକ ଭଡିଓ ସାମାଜିକ ଗଣମାଧ୍ୟମରେ ଦେଖିବାକୁ ମିଳିଛି। ରାସ୍ତା ଉପରେ ଏକ ବୋର୍ଡ଼ ଲାଗିଛି, ଯେଉଁଥିରେ ‘ସୁଶାନ୍ତ ସିଂହ ରାଜପୁତ ଚୌକ୍’ ଲେଖାହୋଇଛି।
The HOMETOWN PURNEA of Sushant Singh Rajput❤#SushantInOurHeartsForever @PurneaTimes @Bihar_se_hai
In his MEMORY? pic.twitter.com/ouuzGqt3JN— Khushali Priya (@PriyaKhushali) July 9, 2020
ସୂଚନା ଅନୁସାରେ, ମେୟର ସବିତା ଦେବୀ କହିଛନ୍ତି ସୁଶାନ୍ତ ଜଣେ ମହାନ୍ କଳାକାର ଥିଲେ। ତେଣୁ ତାଙ୍କ ନାଁରେ ରାସ୍ତାର ନାମକରଣ କରାଯାଇ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ତାଙ୍କ କହିବାନୁସାରେ, ମଧୁବନୀରୁ ମାତା ଚୌକକୁ ଯାଉଥିବା ରାସ୍ତାର ନାମକୁ ଏବେ ସୁଶାନ୍ତ ସିଂହ ରାଜପୁତ ରୋଡ ଭାବେ ନାମିତ କରାଯାଇଛି। ଏହା ସହ ଏଠାରେ ଥିବା ଫୋର୍ଡ କମ୍ପାନୀ ଚୌକକୁ ‘ସୁଶାନ୍ତ ସିଂହ ରାଜପୁତ ଚୌକ୍’ ନାମରେ ନାମିତ କରାଯାଇଛି।
