ନୂଆଦିଲ୍ଲୀ : କୋଭିଡ୍-୧୯ ସଂକ୍ରମଣର ଗତି ନିର୍ଦ୍ଧାରଣ କରିବା ପାଇଁ ଭାରତୀୟ ଭେଷଜ ଗବେଷଣା ପରିଷଦ(ଆଇସିଏମ୍ଆର) ସାରା ଦେଶରେ ଖୁବ୍ଶୀଘ୍ର ସେରୋସର୍ଭିଲାନ୍ସ ସର୍ଭେ ଆରମ୍ଭ କରିବାକୁ ଯୋଜନା କରୁଛି। ଲୋକମାନଙ୍କ ମଧ୍ୟରେ କୋଭିଡ୍-୧୯ ସଂକ୍ରମଣର ଗତି ନିର୍ଦ୍ଧାରଣ କରିବା ପାଇଁ ଏହି ସର୍ଭେ କରାଯିବ। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି, ଗତ ମେ ମାସରେ ଆଇସିଏମ୍ଆର୍ ପକ୍ଷରୁ ସେରୋ ସର୍ଭେ କରାଯାଇ ରକ୍ତ ନମୁନା ସଂଗ୍ରହ କରାଯାଇଥିଲା, ଯାହାର ପରୀକ୍ଷା ଜାରି ରହିଛି।
ପୂର୍ବରୁ ଆଇସିଏମ୍ଆର୍ କହିଥିଲା, ୮୩ଟି ଜିଲ୍ଲାର ସାମ୍ପଲ ସର୍ଭେ ମଧ୍ୟରୁ ୬୫ଟି ଜିଲ୍ଲାର ସେରୋ ସର୍ଭେଲାନ୍ସ ରିପୋର୍ଟ ବାହାରିଛି। ଯେଉଁଥିରେ .୭୩% ଲୋକଙ୍କ ମଧ୍ୟରେ ଭୂତାଣୁ ଥିବା ଜଣାପଡ଼ିଛି। ଦିଲ୍ଲୀସ୍ଥିତ ଜାତୀୟ ରୋଗ ନିୟନ୍ତ୍ରଣ କେନ୍ଦ୍ର ପକ୍ଷରୁ ଗତ ଜୁନ୍ ୨୭ ତାରିଖରୁ ଜୁଲାଇ ୫ ତାରିଖ ପର୍ଯ୍ୟନ୍ତ କରାଯାଇଥିବା ସେରୋ ସର୍ଭେ ରିପୋର୍ଟ ବାହାରି ନାହିଁ। ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି, ଦେଶ ବ୍ୟାପୀ କୋଭିଡ୍-୧୯ ଭୂତାଣୁ ସଂକ୍ରମଣ ମୁକାବିଲା କରିବାରେ ଦେଶ ସଠିକ୍ ପଦକ୍ଷେପ ନେଉଛି। ଅନ୍ୟ ଦେଶ ତୁଳନାରେ ଆମ ଦେଶରେ ସଂକ୍ରମଣ ଓ ମୃତ୍ୟୁ କମ୍ ହାର ରହିଛି।
ସାରା ଦେଶରେ ଖୁବ୍ଶୀଘ୍ର ସେରୋସର୍ଭିଲାନ୍ସ ସର୍ଭେ : ଆଇସିଏମ୍ଆର
Popular Categories
Previous article
Next article