କେଶଦୁରାପାଳ : ଘରେ ଅଲଗା ହେବାକୁ କେନ୍ଦ୍ର କରି ପୁଅର କାଠ ଫାଳିଆ ମାଡ଼ରେ ବାପା, ମା’ ଗୁରୁତର ହୋଇଥିବା ଜଣାପଡ଼ିଛି । ଏଭଳି ଏକ ଅଭାବନୀୟ ଘଟଣା ଘଟିଛି ଘସିପୁର ଆନା ଅନ୍ତର୍ଗତ ବୈଠାଜଳା ଗ୍ରାମରେ ।
ସୂଚନାରୁ ପ୍ରକାଶ, ଆଜି ସନ୍ଧ୍ୟା ଆଠଟା ସମୟରେ ରାମ ଟୁତୁଙ୍କ ପୁଅ ଶ୍ୟାମ ଟୁତୁ ପରିବାରରୁ ଅଲଗା ହେବା ପାଇଁ ବାରମ୍ବାର କହୁଥିଲା ଅନ୍ୟ ଭାଇମାନେ ବିବାହ ପରେ ଅଲଗା ହେବା ପାଇଁ ବାପା ରାମ ଟୁତୁ ଓ ମା ଲକ୍ଷ୍ମି ଟୁତୁ କହୁଥିବା ବେଳେ ଏହାକୁ ନେଇ ବାପା, ମା’ ଓ ପୁଅ ଶ୍ୟାମଙ୍କ ମଧ୍ୟରେ କଥା କଟାକଟି ହୋଇଥିଲା । ଏଥିରେ ପୁଅ ଶ୍ୟାମ ରାଗରେ ଉତକ୍ଷିପ୍ତ ହୋଇ ଏକ କାଠ ଫାଳିଆରେ ବାପା, ମା’ଙ୍କୁ ମାଡ଼ ମାରିଥିଲା। ଏଥିରେ ବାପା ରାମ ଟୁତୁ ଓ ମା ଲକ୍ଷ୍ମି ଟୁତୁଙ୍କର ଗୋଡ଼ ଓ ମା’ର ବାମ ହାତ ଭାଙ୍ଗି ଯାଇଥିଲା। ପରିବାର ଲୋକଙ୍କ ସହଯୋଗରେ ରାମ ଟୁତୁ ଓ ମା’ ଲକ୍ଷ୍ମି ଟୁତୁଙ୍କୁ ଆନନ୍ଦପୁର ଚିକିତ୍ସାଳୟରେ ଚିକିତ୍ସାଧୀନ ଥିବା ଜଣାପଡ଼ିଛି । ପୁଅର ଏପରି କାର୍ଯ୍ୟକୁ ସାଧାରଣରେ ନିନ୍ଦା କରାଯାଇଥିବା ବେଳେ ଏ ପର୍ଯ୍ୟନ୍ତ ଏନେଇ ଘସିପୁରା ଥାନାରେ କେସ୍ ରୁଜୁ ହୋଇନଥିବା ଜଣାପଡ଼ିଛି।
