ବେଙ୍ଗାଲୁରୁ: ରୁଟି ଆଉ ପରଟା ମଧ୍ୟରେ ଫରକ ଅଛି କି ନାହିଁ ତାହା ସମସ୍ତେ ଜାଣନ୍ତି । ଆଉ ଏହି ଫରକକୁ ବ୍ୟାଖା କରିଛନ୍ତି କର୍ଣାଟକ ସରକାର । ରୁଟି ଉପରେ ୫% ଜିଏସଟି ଲଗାଇଥିବାବେଳେ ପରଟା ଉପରେ ଲଗାଇଛନ୍ତି ୧୮% ଜିଏସଟି । ଏହାକୁ ନେଇ ଟ୍ବିଟରରେ ଆରମ୍ଭ ହୋଇଛି ଟ୍ବିଟ୍ ଝଡ଼ । ବହୁ ବିଶିଷ୍ଟ ବ୍ୟକ୍ତି ଏଥିରେ ସାମିଲ ହୋଇଛନ୍ତି । ଆଇପିଏସ୍ ଅରୁଣ ବୋଥ୍ରାଙ୍କଠାରୁ ଆରମ୍ଭ କରି ଶିଳ୍ପପତି ଆନନ୍ଦ ମହିନ୍ଦ୍ରାଙ୍କ ପର୍ଯ୍ୟନ୍ତ ଏହାକୁ ନେଇ ଟ୍ବିଟ୍ କରିଥିବା ଦେଖିବାକୁ ମିଳିଛି । ସେହିପରି ଟ୍ବିଟରରେ ପରଟା ଟ୍ରେଣ୍ଡ ଆରମ୍ଭ ହୋଇଛି ଏବଂ ଏହାକୁ ବହୁ ୟୁଜର୍ସ ଫଲୋ କରୁଛନ୍ତି ।
When my dietician said Poori and Parotha are rich food I thought she was talking about calories ? pic.twitter.com/S9ldlfcFqX
— Arun Bothra (@arunbothra) June 12, 2020
ଜିଏସଟି ଧାର୍ଯ୍ୟ ସମୟରେ କର୍ଣ୍ଣାଟକ ସରକାରଙ୍କ ଟିକସ ଅଧିକାରୀ ପରଟାକୁ ରୁଟିଠାରୁ ଭିନ୍ନ ବୋଲି ମତ ଦେଇଛି । ଏଥିନିମନ୍ତେ ରୁଟି ଉପରେ ୫% ଜିଏସଟି ଲଗାଇଥିବାବେଳେ ପରଟା ଉପରେ ୧୮% ଟିକସ ଲାଗିଛି । ଏକ ଖାଦ୍ୟ ପ୍ରସ୍ତୁତକାରୀ ସଂସ୍ଥା ପରଟାକୁ ସାଦା ଚପାତି, ରୁଟି ଓ ଖାଖରା ପରି ଖାଦ୍ୟ ବର୍ଗରେ ରଖାଯିବାକୁ କରିଥିବା ଆବେଦନକୁ ଟିକସ ଅଧିକାରୀ ଖାରଜ କରି ଦେଇଛନ୍ତି ।
18 % GST on paratha
5 % GST on Roti and ChapatiMeanwhile Punjabis : pic.twitter.com/QSinFxN4sh
— JRism (@Chaotic_mind999) June 12, 2020
କର୍ତ୍ତୃପକ୍ଷ ଏହାକୁ ବ୍ୟାଖ୍ୟା କରି କହିଛନ୍ତି ଯେ ରୁଟି ଓ ଏହି ବର୍ଗରେ ଆସୁଥିବା ଖାଦ୍ୟ ପଦାର୍ଥ ସମ୍ପୂର୍ଣ୍ଣ ରନ୍ଧାଯାଇଥାଏ । ଏହା ଖାଦ୍ୟ ବର୍ଗର ୧୯୦୫ ଶୀର୍ଷକ ଅନ୍ତର୍ଗତ । ମାତ୍ର ପରଟା ସମ୍ପୂର୍ଣ୍ଣ ରନ୍ଧନ ହେବା ସତ୍ତ୍ବେ ଏହାକୁ ଖାଇବା ପୂର୍ବରୁ ପୁନର୍ବାର ଗରମ ବା ସେକିବାକୁ ପଡ଼ିଥାଏ । ତେଣୁ ଏହାକୁ ରୁଟି ପରି ବର୍ଗରେ ରଖାଯାଇ ପାରିବ ନାହିଁ।
With all the other challenges the country is facing, it makes you wonder if we should be worrying about an existential crisis for the ‘Parota.’ In any case, given Indian jugaad skills, I’m pretty sure there will be a new breed of ‘Parotis’ that will challenge any categorisation! https://t.co/IwHXKYpGHG
— anand mahindra (@anandmahindra) June 12, 2020
ଏହାକୁ ନେଇ ଶିଳ୍ପପତି ଆନନ୍ଦ ମହିନ୍ଦ୍ରା ଏକ କୌତୂହଳପୂର୍ଣ୍ଣ ଟ୍ବିଟ୍ କରିଛନ୍ତି । ସେ କହିଛନ୍ତି ଯେ ଟିକସ ପଦ୍ଧତିର ଏହି ବ୍ୟବସ୍ଥାରେ ପରଟା ଓ ରୁଟିକୁ ମିଶାଇ ଏକ ନୂତନ କୌଶଳରେ ଖାଦ୍ୟ ‘ପରୋ-ଟିସ୍’ ଉଦ୍ଭାବନ କରି ପାରନ୍ତି । ଏହା ଭାରତୀୟ ଜୁଗାଡ଼ କୌଶଳ ଦ୍ବାରା ସମ୍ଭବ । ଦେଶର ଅନ୍ୟାନ୍ୟ ଆହ୍ବାନ ପରି ଆମେ ପରଟାର ଅସ୍ତିତ୍ବକୁ ନେଇ ଯଦି ଚିନ୍ତିତ ତେବେ ଆଶ୍ଚର୍ଯ୍ୟ ହେବା ସ୍ବାଭାବିକ ।
