ସମାଜ ପୋର୍ଟାଲ ଡେସ୍କ : ମୟୁରଭଞ୍ଜ ଜିଲା ଠାକୁରମୁଣ୍ଡା ବିଡିଓଙ୍କ ସରକାରୀ ଆକାଉଣ୍ଟରୁ ଅନ୍ୟ ଜଣଙ୍କ ଆକାଉଣ୍ଟକୁ ଟ୍ରାନ୍ସଫର ହୋଇଛି ୫ କୋଟିରୁ ଉର୍ଦ୍ଧ୍ବ ଟଙ୍କା । ପର୍ଯ୍ୟାୟ କ୍ରମେ ଏହି ଟଙ୍କା ଟ୍ରାନ୍ସଫର ହୋଇଥିଲେ ମଧ୍ୟ ଏହା ବିଡିଓଙ୍କ ଜଣାନଥିଲା । ଗତକାଲି ବ୍ଲକର କୌଣସି କାର୍ଯ୍ୟପାଇଁ ଟଙ୍କାର ଆବଶ୍ୟକତା ପଡିବାକୁ ଏହା ଜଣାପଡିଥିଲା ।ଜଣାପଡିବା ପରେ ବିଡିଓ ଏନେଇ ଠାକରୁମୁଣ୍ତା ଥାନାରେ ଅଭିଯୋଗ କରିଛନ୍ତି ।
ସୂଚନାଅନୁସାରେ ଠାକୁରମୁଣ୍ଡା ବିଡିଓଙ୍କ ସରକାରୀ ଆକାଉଣ୍ଟରୁ ୫କୋଟି ୮୦ ଲକ୍ଷ ୮୦ ହଜାର ଟଙ୍କା ଅନ୍ୟ ଜଣଙ୍କ ଆକାଉଣ୍ଟକୁ ଟ୍ରାନ୍ସଫର ହୋଇଛି। ଏତେ ପରିମାଣର ଟଙ୍କା ଟ୍ରାନ୍ସଫର ହୋଇଥିଲେ ମଧ୍ୟ ବିଡିଓ କିପରି ଜାଣିପାରିନଥିଲେ ତାହା ସାଧାରଣରେ ଆଲୋଚନା ହେଉଛି ।ବିଡିଓ ଏନେଇ ଥାନାରେ ଏତଲା ଦେବାପରେ ପୁଲିସ ଜଣଙ୍କୁ ଅଟକ ରଖିବା ସହ ଏତେ ପରିମାଣର ଟଙ୍କା କିଏ ଏବଂ କିପରି ଟ୍ରାନ୍ସଫର କଲା ତାହାର ତଦନ୍ତ ଚଳାଇଛି ।
Comments are closed.