ମୁମ୍ବଇ: ୨୦୧୮ ମସିହାରେ ‘ଜିରୋ’ ଚଳଚ୍ଚିତ୍ର ରିଲିଜ ପରେ ବଲିଉଡ୍ ଇଣ୍ଡଷ୍ଟ୍ରିରୁ ଏକପ୍ରକାର ଦୂରେଇ ଯାଇଥିବା ଅଭିନେତ୍ରୀ ଅନୁଷ୍କା ଶର୍ମା ଖୁବଶୀଘ୍ର ପ୍ରଯୋଜକ ଭାବେ ଡିଜିଟାଲ ପ୍ଲାଟଫର୍ମକୁ ଓହ୍ଲାଇବେ। ଏକ ଲମ୍ବା ସମୟର ବ୍ୟବଧାନ ପରେ ଅନୁଷ୍କା ନିଜ ଭାଇ କର୍ନେଶ୍ ଶର୍ମାଙ୍କ ସହ ମିଶି ନିଜର ପ୍ରଡକ୍ସନ ହାଉସ୍ ‘କ୍ଲିନ ସେଲ୍ଟ’ ଅଧିନରେ ଏକ େଓବ୍ସିରିଜ୍ ନିର୍ମାଣ କରୁଛନ୍ତି, ଯାହା ଖୁବଶୀଘ୍ର ପ୍ରସାରିତ ହେବାକୁ ଯାଉଛି। ୱେବ୍ସିରିଜର ନାଁ ରହିଛି ‘ପାତାଲ ଲୋକ’। ଏହାର ଟିଜର୍ ରିଲିଜ୍ କରିଦିଆଯାଇଛି। ଯାହାକୁ ମେ’ ୧୫ରୁ ଆମାଜନ୍ ପ୍ରାଇମ୍ରେ ଦର୍ଶକ ଦେଖିପାରିବେ। ଏହାକୁ ପ୍ରଥମଥର ପାଇଁ ଆମାଜନ୍ ପ୍ରାଇମ୍ ଓରିଜିନାଲରେ ଲୋକେ ଦେଖିପାରିବେ। ନିକଟରେ ଅନୁଷ୍କା ନିଜର ଇନ୍ଷ୍ଟାଗ୍ରାମ ଆକାଉଣ୍ଟରେ ଏହାର ଟିଜର ଶେୟାର କରିଛନ୍ତି।
ଏଥିରେ ସେ ଉଲ୍ଲେଖ କରିଛନ୍ତି ଯେ, ସମାଜରେ ଘଟୁଥିବା କ୍ରାଇମ୍, ଥ୍ରୀଲର, ଆକ୍ସନ ଏବଂ ଭ୍ରଷ୍ଟାଚାରକୁ ନେଇ ଏହାର କାହାଣୀ ଆଧାରିତ। ଏହାକୁ ଦେଖିବା ପରେ ଲୋକେ ନିଜର ସମାଜିକ ଦାୟିତ୍ୱବୋଧକୁ ବୁଝିପାରିବେ ଏବଂ ଏକ ଭିନ୍ନ ଦୃଷ୍ଟିକୋଣରେ ଏହି ବିଶ୍ୱକୁ ଦେଖିବା ଆରମ୍ଭ କରିବେ। ଏଥିରେ ଜୟ ଅହଲାବତ୍, ଗୁଲ ପନ୍ନାଗ, ଅଭିଷେକ ବାନାର୍ଜୀ, ନୀରଜ୍ କବି ପ୍ରମୁଖଙ୍କୁ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ।
