ନୂଆଦିଲ୍ଲୀ: କରୋନା ଭୂତାଣୁ ଯୋଗୁ ଦେଶରେ ସୋମବାର ସକାଳ ସୁଦ୍ଧା ୯୧୫୨ ଜଣ ଆକ୍ରାନ୍ତ ହୋଇଥିବା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ଆକ୍ରାନ୍ତଙ୍କ ମଧ୍ୟରୁ ୮୫୬ ଜଣ ସୁସ୍ଥ ହୋଇଥିବାବେଳେ ୩୦୮ ଜଣଙ୍କ ମୃତ୍ୟୁ ଘଟିଛି।
ଇଣ୍ଡିଆ କୋଭିଡ-୧୯ ଟ୍ରାକର ତଥ୍ୟ ଅନୁସାରେ ମହାରାଷ୍ଟ୍ରରେ ବର୍ତ୍ତମାନ ସୁଦ୍ଧା ସର୍ବାଧିକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଠାରେ ଆକ୍ରାନ୍ତଙ୍କ ସଂଖ୍ୟା ୧୯୮୨ରେ ପହଞ୍ଚିଥିବାବେଳେ ୧୪୯ ଜଣଙ୍କ ମୃତ୍ୟୁ ଘଟିଛି। ଏହା ପଛକୁ ରହିଛି ରାଜଧାନୀ ନୂଆଦିଲ୍ଲୀ। ଦିଲ୍ଲୀରେ ଏଯାଏ ୧୧୫୪ ଆକ୍ରାନ୍ତ ଚିହ୍ନଟ ହୋଇଥିବାବେଳେ ୨୪ ଜଣଙ୍କ ମୃତ୍ୟୁ ଘଟିଛି। ସେହିପରି ତାମିଲନାଡୁରେ ୧୦୭୫ ଜଣ ଆକ୍ରାନ୍ତ ଠାବ ହୋଇଥିବାବେଳେ ୧୧ ଜଣ ପ୍ରାଣ ହରାଇଛନ୍ତି। ଏହା ପଛକୁ ରାଜସ୍ଥାନରେ ୮୦୪ ଆକ୍ରାନ୍ତ ଚିହ୍ନଟ ହୋଇଥିବାବେଳେ ମଧ୍ୟପ୍ରଦେଶରେ ୫୬୨, ଗୁଜରାଟରେ ୫୧୬, ଉତ୍ତରପ୍ରଦେଶରେ ୪୮୩, ତେଲେଙ୍ଗାନାରେ ୫୩୧, ଆନ୍ଧ୍ରପ୍ରଦେଶରେ ୪୨୦, କେରଳରେ ୩୭୫, ଜାମ୍ମୁ-କାଶ୍ମୀରରେ ୨୪୫, କର୍ଣ୍ଣାଟକରେ ୨୩୨, ହରିୟାଣାରେ ୧୯୫, ପଞ୍ଜାବରେ ୧୭୦, ପଶ୍ଚିମବଙ୍ଗରେ ୧୩୪, ବିହାରରେ ୬୪, ଓଡ଼ିଶାରେ ୫୪, ଉତ୍ତରାଖଣ୍ଡରେ ୩୫, ହିମାଚଳପ୍ରଦେଶରେ ୩୨, ଛତିଶଗଡ଼ରେ ୩୧ ଆସାମରେ ୨୯, ଝାଡ଼ଖଣ୍ଡରେ ୧୯ ଆକ୍ରାନ୍ତ ଚିହ୍ନଟ ହୋଇଛନ୍ତି।
