ବ୍ରଜରାଜନଗର: ପୁଲିସ ପକ୍ଷରୁ ବୁଧବାରଠାରୁ ବ୍ରଜରାଜନଗର ଅଞ୍ଚଳରେ ନିୟମ କାନୁନ କଡାକଡି କରାଯାଇ ଅମାନିଆ ବ୍ୟକ୍ତିଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ହେଲେ ଜୁଆଡିଙ୍କ ଉପରେ ଏହା ପ୍ରଭାବହୀନ ରହିଛି। ଗାଁ କିମ୍ବା ସାହି ଗୁଡିକ ମୁଖ୍ୟ ରାସ୍ତାକୁ ବାଉଁଶରେ ଅବରୋଧ କରି ବେଧଡକ ଜୁଆ ଅଡ୍ଡା ଜମାଇ ରଖିଛନ୍ତି। ବୁଧବାର ବ୍ରଜରାଜନଗର ପୋୖରାଞ୍ଚଳ ନୂଆଡ଼ିହି ଗ୍ରାମର ଗୌରୀ ଶଙ୍କର କ୍ଲବରେ ଜୁଆ ଚାଲିଥିବା ନେଇ ବ୍ରଜରାଜନଗର ଏସଡିପିଓ ଦିଲୀପ ଦାସ ଖବର ପାଇ ସଦଳବଳେ ଚଢ଼ଉ କରିଥିଲେ। ପୋଲିସର ଅତର୍କିତ ଚଢ଼ଉ ଦେଖି କିଛି ଜୁଆଡି ଫେରାର ମାରିଥିବା ବେଳେ ପୁଲିସ ହାବୁଡ଼ରେ ୩ ଜଣ ପଡ଼ିଥିଲେ। ଘଟଣାସ୍ଥଳରୁ ପୁଲିସ ୫ଟି ବାଇକ ଓ ଜୁଆଡିଙ୍କ ନିକଟରୁ ୧୭୭୦ ଟଙ୍କା ଜବତ କରିଥିବା ବ୍ରଜରାଜନଗର ଏସଡିପିଓ ଦିଲୀପ ଦାସ କହିଛନ୍ତି। ଚଢ଼ଉରେ ବ୍ରଜରାଜନଗର ଆଇଆଇସି ନଳିତା ମୋଦି, ଗାନ୍ଧିଛକ ଫାଣ୍ଡି ଅଧିକାରୀ ଚୂଡ଼ାମଣି ମହାନନ୍ଦ ମଧ୍ୟ ସାମିଲ ଥିଲେ। ଅପରପକ୍ଷେ ଫେରାର ହୋଇଥବା ଜୁଆଡିଙ୍କ ଭିତରେ କିଛି କୁଜି ନେତା ତଥା ପ୍ରଭାବଶାଳୀ ନେତାଙ୍କ ଅନୁଗତ ରହିଥିବା ସୂଚନା ମିଳିଛି।
Comments are closed.