କରୋନା ଗୁଜବ: ହ୍ବାଟସଆପ୍ ଆଣିବ ପ୍ରତିବନ୍ଧକ

ନୂଆଦିଲ୍ଲୀ : କରୋନାକୁ ନେଇ କିଛି ଖଳ ପ୍ରକୃତିର ଲୋକ ସୃଷ୍ଟି କରୁଛନ୍ତି ଗୁଜବ । ଏପରି ଭୟ ସୃଷ୍ଟିକାରୀ ଗୁଜବଗୁଡ଼ିକ ସାମାଜିକ ଗଣମାଧ୍ୟମରେ ବହୁଳ ପ୍ରସାରିତ ହେଉଛି । ଏପରିକି ଗୁଜବ ଯୋଗୁଁ କିଛି ସ୍ଥାନରେ ଲୋକମାନେ ଭୀତତ୍ରସ୍ତ ହୋଇ ପଡ଼ୁଛନ୍ତି ଓ କିଛି ଲୋକଙ୍କ ମାନସିକ ଅସନ୍ତୁଳନ ସୃଷ୍ଟି ହୋଇଛି । ତେଣୁ ଏହାକୁ ରୋକିବାକୁ ହ୍ବାଟସଆପ୍ ଏକ ନୂଆ ଫିଚର ଆଣିବାକୁ ଯାଉଛି । ଯାହା ଫଳରେ ଏକ ସମୟରେ ଜଣେ ବ୍ୟବହାରକାରୀ ଗୋଟିଏ ମେସେଜ ପଠାଇ ପାରିବ । ପୂର୍ବରୁ ହ୍ବାଟ୍ସଆପ୍ ବ୍ୟବହାରକାରୀ ଏକ ସମୟରେ ଅସୀମିତ ମେସେଜ୍ ପଠାଇ ପାରୁଥିଲେ। ମାତ୍ର ଏହାକୁ ସଂକୋଚିତ କରାଯାଇ ଏକ ସମୟରେ ସର୍ବାଧିକ ୫ ଜଣଙ୍କୁ ମେସେଜ ପଠାଯାଇ ପାରୁଥିଲା ।
ସଂପ୍ରତି କରୋନା ଜନିତ ଲକ୍ଡ଼ାଉନ୍ ଯୋଗୁଁ କିଛି ଲୋକ ହ୍ବାଟ୍ସଆପ୍, ଫେସବୁକ୍ ପରି ସାମାଜିକ ଗଣମାଧ୍ୟମର ଅନୁଚିତ ଉପଯୋଗ କରୁଥିବା ଅଭିଯୋଗ ହୋଇ ଆସୁଛି । ଭୁଲ ତଥ୍ୟ ପ୍ରଘଟକୁ ରୋକିବା ନିମନ୍ତେ ଫେସବୁକ୍ ପଦକ୍ଷେପ ଗ୍ରହଣ କରିବା ଆରମ୍ଭ କରିଛି ।