ସୁଆଣ୍ଡୋ : କରୋନା ସଂକ୍ରମଣର ଭୟାବହତାକୁ ନେଇ ଏବେ ଆକ୍ସନ ମୁଡ୍ ରେ ପୁରୀଜିଲା ସତ୍ୟବାଦୀ ବ୍ଲକ ପ୍ରଶାସନ। ସାକ୍ଷୀଗୋପାଳ ବଜାରରେ ବ୍ୟବସାୟୀମାନେ ନିଜେ ସମ ଦୂରତା ରକ୍ଷା କରି ବ୍ୟବସାୟ କରିବା ପାଇଁ ଚେତାବନୀ ଦିଆଯାଇଛି। ଯଦି ଏଥିରେ ତ୍ରୁଟି ହୁଏ, ତେବେ ପ୍ରଶାସନ ପକ୍ଷରୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତହସିଲଦାର କସ୍ତୁରୀ ପ୍ରଧାନ କହିଛନ୍ତି। ଲକ ଡାଉନ ଶୃଙ୍ଖଳାକୁ ନମାନିବା ହେତୁ ସତ୍ୟବାଦୀ ଅଞ୍ଚଳର ଇନ୍ଦିପୁର ସାରଙ୍ଗଯୋଡି ଓ ଗବକୁଣ୍ଡ ହାଟ ଅନିର୍ଦ୍ଦିଷ୍ଟ ସମୟ ପାଇଁ ପ୍ରଶାସନ ତରଫରୁ ବନ୍ଦ କରାଯାଇଛି। କେତେକ ବିଶୃଙ୍ଖଳ ଯୁବକ ଆଜି ସକାଳେ ବାଇକ ଧରି ବଜାରରେ ଚକ୍କର କାଟୁଥିବା ବେଳେ ସତ୍ୟବାଦୀ ପୁଲିସ ତାଙ୍କୁ ଧରି ଥାନାରେ ଅଟକ ରଖିଛି।
Comments are closed.