କଲକାତା: ଏନଆରସି ଭୟରେ ପଶ୍ଚିମବଙ୍ଗରେ ବର୍ତ୍ତମାନ ସୁଦ୍ଧା ପ୍ରାୟ ୩୦ ଜଣଙ୍କର ମୃତ୍ୟୁ ହୋଇଥିବା କହିଛନ୍ତି ମମତା ବାନାର୍ଜୀ। ମଙ୍ଗଳବାର ନଦିଆରେ ଅନୁଷ୍ଠିତ ଏକ ଜନସଭାକୁ ସମ୍ବୋଧନ କରିବା ଅବସରରେ ପୁଣିଥରେ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ସେ ପହିଛନ୍ତି ସିଏଏ ଏବଂ ଏନଆରସି ହେଉଛି କଳାଯାଦୁ ସଦୃଶ। ଏହି ଏନଆରସି ଏବଂ ସିଏଏକୁ ନେଇ ଆସାମରେ ଶହେରୁ ଊର୍ଦ୍ଧ୍ୱ ଲୋକଙ୍କ ମୃତ୍ୟୁ ହୋଇଥିବା ବେଳେ ପଶ୍ଚିମବଙ୍ଗରେ ଏନ୍ଆର୍ସି ଡରରେ ୩୦ରୁ ଉର୍ଦ୍ଧ୍ବ ଲୋକଙ୍କ ମୃତ୍ୟୁ ହୋଇ ସାରିଛି।
West Bengal Chief Minister Mamata Banerjee in Nadia: In Assam, more than 100 people died because of the National Register of Citizens (NRC). In West Bengal, 31 or 32 died out of fear of NRC. pic.twitter.com/1erab1dSUV
— ANI (@ANI) February 4, 2020
ଆହୁରୀ ମଧ୍ୟ ମମତା କହିଛନ୍ତି ମତେ ବିଜେପି ଦେଶରୁ ବାହାର କରିଦେଖାଉ କାରଣ ମୋ ପାଖରେ ମୋ ମାଆଙ୍କ ଜନ୍ମ ପ୍ରମାଣ ପତ୍ର ନାହିଁ। ରାଷ୍ଟ୍ରୀୟ ଜନସଂଖ୍ୟା ରେଜିଷ୍ଟର(ଏନପିଆର୍)କୁ ନେଇ ମମତା ପଶ୍ଚିମବଙ୍ଗବାସୀଙ୍କୁ କହିଛନ୍ତି ଯଦି କେହିବି ଆପଣଙ୍କୁ କୌଣସି କାଗଜପତ୍ର ମାଗେ ତେବେ କାହାକୁ ଏହା ଦିଅନ୍ତୁ ନାହିଁ। ଯଦି କେହି ଆପଣଙ୍କୁ ଆଧାରକାର୍ଡ ଅବା ପରିବାରର ଅନ୍ୟ କୌଣସି କାଗଜପତ୍ର ମାଗନ୍ତି ତେବେ ମୁଁ ନ କହିବା ପର୍ୟ୍ୟନ୍ତ ଏହା ଦିଅନ୍ତୁ ନାହିଁ ବୋଲି ମମତା କହିଛନ୍ତି। ମୋଦୀ ସରକାର ଶାହିନବାଗରେ ଏନଆରସି ଏବଂ ସିଏଏ ବିରୋଧରେ ଶାନ୍ତିପୂର୍ଣ୍ଣ ପ୍ରତିବାଦ କରୁଥିବା ଲୋକମାନଙ୍କୁ ଡରାଇବା ପାଇଁ ପ୍ରାୟସ କରୁଥିବା ଅଭିଯୋଗ କରିଛନ୍ତି ମମତା ବାନାର୍ଜୀ।
West Bengal Chief Minister Mamata Banerjee in Nadia: Don't show them any documents, if they ask you to submit your Aadhar card or details about your family, don't give it to them, until and unless I tell you directly. #NationalPopulationRegister pic.twitter.com/VmMhwOliPh
— ANI (@ANI) February 4, 2020
