ଭୁବନେଶ୍ବର: କରୋନା ଭାଇରସ୍ ଭୟ ସାରା ବିଶ୍ବକୁ ଚିନ୍ତାରେ ପକାଇଛି। ଚୀନରୁ ଉହାନ ସହରରୁ ଆରମ୍ଭ ହୋଇଥିବା ଏହି ମାରାତ୍ମକ ଭାଇରସ ବର୍ତ୍ତମାନ ସୁଦ୍ଧା ପ୍ରାୟ ୩୦୫ ଜଣଙ୍କ ଜୀବନ ନେଇସାରିଥିବା ବେଳେ ୧୪,୫୬୨ ଲୋକଙ୍କୁ ଆକ୍ରାନ୍ତ କରିସାରିଲାଣି। ଏହାରି ମଧ୍ୟରେ ରାଜ୍ୟ ସରକାର ମଧ୍ୟ କରୋନା ଭାଇରସ ପାଇଁ ସତର୍କତା ମୂଳକ ବ୍ୟବସ୍ଥା ଅବଲମ୍ବନ କରୁଛନ୍ତି। ରବିବାର ରାଜ୍ୟ ଜନସ୍ବାସ୍ଥ୍ୟ ବିଭାଗ ପକ୍ଷରୁ କରୋନା ଭାଇରସ ପାଇଁ ରାଜ୍ୟରେ କଣ୍ଟ୍ରୋଲରୁମ୍ ନମ୍ବର ଜାରି କରାଯାଇଛି। କରୋନ ଭାଇରସ ନେଇ ରାଜ୍ୟବାସୀ କୌଣସି ସୂଚନା ଜାଣିବା ପାଇଁ ଚାହୁଁଥିଲେ କଣ୍ଟ୍ରୋଲରୁମ୍ ନମ୍ବର -୦୬୭୪-୨୩୯୦୪୬୬,୯୪୩୯୯୯୪୮୫୭,୯୪୩୯୯୯୧୨୨୧,୯୪୩୭୦୪୦୫୬୪ରେ ଯୋଗାଯୋଗ କରିପାରିବେ। ରାଜ୍ୟବାସୀଙ୍କ ପାଖରେ କରୋନ ଭାଇରସକୁ ନେଇ କୌଣସି ସୂଚନା ଥିଲେ ଏହି ନମ୍ବର ମାଧ୍ୟରେ ଯୋଗାଯୋଗ କରିପାରିବେ ବୋଲି ସ୍ବାସ୍ଥ୍ୟ ସଚିବ ନିକୁଞ୍ଜ ଧଳ ସୂଚନା ଦେଇଛନ୍ତି।
ବର୍ତ୍ତମାନ ଚୀନ କିମ୍ବା ଅନ୍ୟ କେତେକ ଦେଶରୁ ଆସିଥିବା ବ୍ୟକ୍ତିବିଶେଷ #Coronarivus ଦ୍ୱାରା ଆକ୍ରାନ୍ତ ହୋଇଥିବାର ସମ୍ଭାବନା ଥିବାରୁ ସମସ୍ତ ଜନସାଧାରଣ ଙ୍କୁ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ, ଓଡ଼ିଶାଙ୍କର ନିୟନ୍ତ୍ରଣ କକ୍ଷ କୁ ନିମ୍ନ ଟେଲିଫୋନ ନମ୍ବରରେ ତୁରନ୍ତ ଖବର ଦେବାକୁ ଅନୁରୋଧ। pic.twitter.com/bJ4ebPaMZX
— H & FW Dept Odisha (@HFWOdisha) February 2, 2020
